Fotefar Temareiser driv historie-, kultur- og reiseformidling. Selskapet har spesialisert seg på temareiser til USA, Frankrike, Italia, Island og Baltikum, og reiseleiarane legg stor vekt på trivsel og sosialt fellesskap på turane.

Bak selskapet står Arne, Rasmus og Yngve Sunde, og dei er også reiseleiarar og guidar. Dei er spesialistar på Midtvesten i USA, og til no har dei arrangert 12 turar dit, men dei er også gode på fleire reisemål i Europa.

Arne bur i Rosendal og er lektor med hovudfag i nordisk og med emigrantlitteratur som spesialemne. Han har studert på St. Olaf College i Minnesota og undervist på Augustana College i Sør-Dakota.

Rasmus bur i Balestrand og er førsteamanuensis i historie ved Høgskulen i Sogndal og underviser bl.a. i europeisk historie. Han har doktorgrad i emigrasjonshistorie og har også undervist på Augustana College.

Yngve har studert tre år i USA, der han tok ein B.A.-grad i politikk. Elles har han universitetsstudiar i historie, engelsk, litteraturvitskap og reiseliv. Han har undervist i den vidaregåande skulen, men er no tilsett som forlagsredaktør i Skald Forlag i Leikanger.

Selskapet har knytt til seg Yoran Sandanger som guide og reiseleiar. Han har historie hovudfag og har budd fleire år i Frankrike.

På alle turane nyttar selskapet lokale, norsktalande guidar.

.