Det viser seg at turen til Island er svært populær, og alt no er det fleire på ventelista. Vi har difor bestemt at vi arrangerer ein ny tur til Island i tidsperioden 22.08-27.08. Programmet på denne turen vil bli heilt det same som på den første turen. Prisen vil også bli den same.

Sylfest Lomheim vil vere den eine reiseleiaren på den siste turen og.

Sylfest Lomheim
Vi er så heldige å få med den kjende språkmannen Sylfest Lomheim på to av turane i 2012. I juni går turen til Normandie og Paris. Sylfest har undervist i norsk på universitetet i Caen og kjenner området godt. Han tek også med seg gitaren og skaper stemning og hygge om kveldane. I august blir han med til Island, og på bussturane der vil vi nok få med oss ein del språkhistorie og om dei islandske sagaene.

Bjørn Sørheim
På den nye spennande turen til Skottland og Nord-England har vi fått med oss dosent Bjørn Sørheim. Han er frå Stord, men har hatt arbeidet sitt som engelsklærar ved Høgskulen i Sogn og Fjordane. I fleire år han han også undervist i Newcastle og i York, og han kjenner såleis reisemåla på denne turen svært godt.

Odd Hagen
Vi har også med oss musikarar på tematurane våre. Odd Hagen har i fleire år vore med på bussturen vår til Baltikum. Han er ikkje berre ein dugande trekkspelar, men han underheld med mange gode historier og spelar til underhaldning og allsong på bussturen og til dans om kveldane. I 2012 blir han med til Julemarknaden i Lubeck, og han kjem også til Balestrand og står for dansemusikken på Kviknes Hotel.

Eigil Reitan og Per Roksvaag
Bussen til Stockholm, Tallinn, Tartu og Riga vil i 2012 gå frå Trondheim. Deltakarar frå Vestlandet og andre stader kan gå på i Oslo. På denne turen har vi fått med musikarane Eigil Reitan (trekkspel) og Per Roksvaag (gitar). Dei vil spele til underhaldning og allsong på bussen og til dans tre kveldar på turen.

Billa and the Kid
På musikkreisa til Sørstatane i mars 2012 får vi med oss gruppa Billa and the Kid  som vil underhalde oss på bussturane og på samankomstane våre. Dei syng country og blues på ekte sognamaol.

Nils R. Sandal
På den andre musikkreisa til Sørstatane i oktober, vil vi få med oss countryentusiasten Nils R. Sandal. Han tek med seg gitaren og spelar litt undervegs. Nils har vore i Nashville mange gonger og kjenner fleire artistar personleg.

Tematurane våre i 2011 er no avslutta. Søndag 16. oktober kom vi tilbake frå den spennande musikkturen til Sørstatane.

Vi held på med planlegginga av dei nye turane til neste år og gir her eit kort oversyn. Turprogramma blir lagde ut i slutten av november.

Musikktur til Nashville, Memphis og New Orleans: 8. - 17. mars
Roma og Toscana: 13. - 21. april
Skottland og Nord-England: 29. april - 6. mai
Normandie og Paris: 26. mai - 2. juni
Estland og Latvia (busstur): 21. - 30. juni
Midtvesten: 21. juli - 2. august
Island: 8. - 13. august
Berlin: 4. - 9. september
Helg på Kviknes Hotel i Balestrand: 28. - 30. september
Musikktur til Nashville, Memphis og New Orleans: 4.  - 13. oktober 
Julemarknad i Lubeck (busstur): 26. - 28. november

 

Påmeldinga har vore svært stor til alle turane våre i 2011. Det har meldt seg så mange på turen til Island at vi må ta to turar dit i august. Den eine går som oppsett 17. - 22.08, medan den nye turen blir arrangert 10. - 15.08.  Den sistnemnde turen går med fly berre frå Bergen, og turprogrammet er akkurat det same på begge turane.

Alt no har svært mange meldt seg på turane våre i 2011. Fleire turar byrjar å fyllast opp. Det kan såleis vere lurt å melde seg på snarast mogleg, dersom ein skal vere sikker på å få plass.