Musikktur til Dublin

Med Bård Ose.

2. – 6. September.

Velkommen med på ein tur full av musikk og musikkhistorie – frå irsk tradisjonsmusikk til rock og pop. Vi startar kvar dag med Bård Ose sine kåseri på hotellet, der han fortel historier og anekdotar om Thin Lizzy, Van Morrison, Rory Gallagher og U2 og andre irske musikarar. Bård har blant anna skrive bøker om VinskvettenThe BeatlesThe Rolling Stones og vore medforfattar av Norsk pop & rock leksikon. Han er ein av programleiarane for radioprogramma P.I.L.S og Radio Rock som går på NRK P1, samt programleiar for Ren 60 og Gammelnorsk på NRK P1+.

Vi besøkjer sjølvsagt Temple Bar og får med oss det verdsberømte Guinness-bryggeriet. Det blir pub til pub-runde med den beste irske tradisjonsmusikken og besøk på Irish Rock ‘N’ Roll Museum. Et anna høgdepunkt er besøket på legendariske Windmill Lane Studios, kor fleire store stjerner har spelt inn plater. Velkommen med på ein unik tur stappfull av store musikkopplevingar!

Pris frå:
15 950,-
Dagar:5
Flyreise Oslo-Dublin t/r
4-stjerners hotell i sentrum
4 frukostar
2 lunsjar
1 middag
Inngangsbillett til Windmill Lane Studios
Inngangsbillett til The Irish Rock’ N’ Roll Museum
Kåseria av Bård Ose i eige konferanserom på hotellet
Buss tur/retur flyplass i Dublin
Guida turar til fots i Dublin sentrum med lokal rockeguide
Pub til pub-runde til musikkpubar med lokal guide
Busstur til Merry Ploughboy’s Pub
Konsert/show på Merry Ploughboy’s Pub
Reiseleiar frå Fotefar temareiser


Ikkje inkludert i prisen
Tilknyting frå andre byar
Tips til lokalguide
Enkeltromstillegg 2975,-


Minimum tal deltakarar: 15
Maksimum tal deltakarer: 50
Bestill reise

Dagsprogram

Atterhald om endringar

Onsdag 2. september
Avgang med SAS frå Bergen kl. 08.25 og Oslo kl. 10.20. Vi er framme i Dublin (direkte frå Oslo) kl. 11.40. Bussen vår tek oss så inn til det firestjerners hotellet vårt  i Dublin sentrum, og Bård Ose gir oss ein kort introduksjon til irsk musikk på bussen.

Irland er kanskje det landet i Europa der tradisjonsmusikken er mest levande, og Dublin er full av pubar med live irsk musikk. I tillegg finst det spor av tradisjonsmusikk i mykje av rock- og pop som har komme frå Irland dei siste tiåra.

Det første på programmet i den irske hovudstaden blir ein guida tur i byen. Hotellet vårt ligg sentralt til med gåavstand til det meste. Etterpå blir det ein sein velkomstlunsj på ein irsk pub i sentrum.

Om kvelden kan dei som vil, vere med reiseleiaren på pub. Vi satsar på å gå på ein plass som med irsk tradisjonsmusikk. Berømte Temple Bar har livemusikk kvar dag og er eit must å gå innom. Eit anna alternativ er O'Donoghue's, som brukte å vere stampuben til bandet The Dubliners. Elles finst det eit utal pubar med irsk folkemusikk i sentrum, så her er det berre å velje.
(L)

Torsdag 3. september
Etter ein ekte irsk frukost er vi klare for Bård Ose si første forelesing om irsk musikk. Bård har musikkturar til Liverpool og London med Fotefar og får strålande kritikkar for forelesingane sine. Han har ei unik evne til å fortelje historier og anekdotar som treff både dei med mykje og mindre kunnskap om rockehistoria.

Denne dagen blir full av musikk og irsk musikkhistorie. Vi startar med besøk på The Irish Rock’n’Roll Museum, som tek for seg den irske rock- og pophistoria, og korleis den irske tradisjonsmusikken har påverka banda. Musikarar som The Chieftains, The Waterboys, Clannad, Enya og Gary Moore har teke med seg folkemusikken inn i populærmusikken og gjort irsk tradisjonsmusikk kjend overalt. Irsk rock har hatt enorm suksess verda over med blant andre Thin Lizzy, Van Morrison, Rory Gallagher og U2. Og også nyare popmusikk som Westlife og Boyzone har dominert hitlistene.

Det blir felleslunsj på ein typisk irsk pub. Deretter tek den lokale rockeguiden vår oss med på ein gåtur rundt i sentrum, der vi besøker dei mest kjende stadene i Dublin si musikkhistorie.

Vi får god tid til å slappe av på hotellet før vi møtast igjen og går saman ut på musikkpub. Det blir ein pub som også serverer mat, så ein kan kjøpe seg noko å ete til musikken.
(F,L)

Fredag, 4. september
Etter frukost er vi igjen klare for Bård Ose sitt foredrag på hotellet. Desse forelesingane tek 45 minutt, og så vert det det tid til spørsmål og litt praktisk informasjon etter det. Bård tek gjerne mot innspel på kva del av irsk musikkhistorie han skal snakke om, så det er lov å komme med ønske om ein spesiell musikar eller band.

Det neste på programmet er besøk på Windmill Lane Studios. Dette studioet var først kjend som innspelingsstad for irsk tradisjonsmusikk, men etterkvart har både Van Morrison, Sinéad O'Connor, Elvis Costello, The Rolling Stones, The Cranberries, Metallica, Status Quo, Kate Bush og Clannad spelt inn plater her. Mest kjend er nok studioet likevel for at det er svært mykje brukt av U2.

Etter at vi har hatt god tid i platestudioet finn vi oss restaurantar og cafear i nærleiken, der vi kan kjøpe oss lunsj. Det blir tid på eiga hand fram til tidleg kveld. Dei som vil, kan shoppe eller slappe av med ein kopp kaffi eller ein guinness på irsk pub. Reiseleiaren har også forslag på ting ein kan gjere. Vi tilrår eit besøk på det verdskjende Guiness-bryggeriet. Sjølv om det er mange turistar innom portene der, er det likevel ei oppleving.

Om kvelden møter vi lokalguiden vår som tek oss med på ein Musical Pub Tour i Dublins gater. Det er høve til å kjøpe seg mat undervegs. Vi kjem til å oppleve mykje fantastisk irsk tradisjonsmusikk, og topp stemning! Nokre pubar har større scener, men det er framleis den gamle måten der musikarane sit på eit bord saman med gjestene i puben som er mest vanleg. Det er ei heilt spesiell oppleving å komme så nær musikarane og å ta del i ein folkemusikktradisjon som framleis er levande i høgste grad.
(F)

Laurdag 5. september
Vi startar dagen med ein ekte irsk frukost på før vi samlast på konferanserommet på hotellet for Bård Ose si forelesing. Her får vi servert anekdotar og morosame historier frå irsk rockehistorie. Ein tidlegare deltakar på tur med Bård sa dette om forelesingane hans: ”Det er fantastisk å starte dagen med så mykje godt humør og latter.”

Denne dagen er det sett av god tid på eiga hand i Dublin. Reiseleiaren frå Fotefar kjem til å komme med forslag på kva ein kan gjere desse timane og dei som vil, kan bli med reiseleiaren på dette. Men ein kan også velje eigne aktivitetar.

Tidleg om kvelden møtest vi på hotellet og er klare for eit av høgdepunkta på turen – irsk kveld på The Merry Ploughboy Pub. Denne tradisjonsrike puben og konsertstaden ligg ein liten køyretur med buss utanfor Dublin, og er kjend som ein av dei aller beste musikkpubane i heile Irland. Den har både vunne prisen: Music Pub of the year in Ireland og Best Dinner/Entertainment Event in Ireland alle desse åra: 2011, 2012, 2013, 2014, 2016, 2017 og 2018. I tillegg er det den einaste musikkpuben i Irland som er eigd av musikarane sjølve.

Vi får først servert ein trerettars middag der ein kan velje mellom hovudrettar med irsk vri som Guinness-marinert Angus-biff og kylling frå Limerick med irsk potetkake til. Etter middag startar sjølve showet med både irsk tradisjonsmusikk og dans. Det blir også ei oppvising med Riverdance.

Buss tilbake til hotellet vårt i Dublin sentrum etterpå.
(F,M)

Søndag 6. september
Etter frukost blir vi henta av bussen vår som tek oss med til flyplassen. På vegen dit blir det nokre oppsummerande ord frå Bård Ose om irsk musikk og det vi har opplevd på turen. Direktefly til Oslo med SAS kl. 12.05. Framme i Oslo 15.20 og til Bergen kl. 17.15.
(F)

Teiknforklaring for måltid inkludert i prisen:
(F) Frukost
(L) Lunsj
(M) Middag

Avgangar & prisar

AvreisedatoAvreisestadReisemålLedige plassarFrå pris
2/9BergenMusikktur til Dublin716 950,-Bestill
2/9OsloMusikktur til DublinMeir enn 815 950,-Bestill