Fotefar Temareiser AS » Turar 2026 » Andrea Bocelli i heimbyen Lajatico - San Miniato

Andrea Bocelli i heimbyen Lajatico - San Miniato

22. - 27. juli 2026.

Grøne åssider, vakre landsbyar og gode smakar kjenneteiknar Toscana. Kvart år inviterer den verdskjende tenoren og operasongaren Andrea Bocelli til utandørs operakonsert i heimbyen sin Lajatico.

På turen skal vi bu i mellomalderbyen San Miniato, som ligg i hjartet av Toscana. Byen har eit hyggeleg sentrum med mange kaféar og butikkar, mellom anna kan du finne ein trøffelbutikk her. Byen og området rundt har stort fokus på såkalla «Slow Food», altså lokal mat dyrka i nærleiken og laga med tradisjonelle oppskrifter. Her får vi smake på ekte toskanske matrettar med lange røtter i regionen.

I tillegg til konserten med Bocelli, får du høve til å oppleve renessansebyen Firenze, antikkens Lucca,  besøke ein vingard som ligg vakkert til i det toscanske landskapet og nyte eit gourmetmåltid på ein av San Miniatos beste restaurantar.

 

 

 


Pris frå:
17 950,-
Dagar: 6
Inkludert for alle:
  • Busstransport som vist i programmet
  • Konsert med Andrea Bocelli i Lajatico
  • Omvising med vinsmaking og lunsj på ein flott vingard
  • 5 overnattingar på 4-stjerners hotell
  • 5 frukostar
  • 2 middagar
  • 1 lunsj
  • Reiseleiar frå Fotefar


Inkludert for dei som kjøper turen med fly:
  • Flyreise Oslo – Pisa/Firenze t/r (tilknyting frå andre byar mot tillegg ved førespurnad)
  • Busstransport flyplass-hotell
  • Busstransport hotell-flyplass


Ikkje inkludert:
  • Flytilknyting frå/til andre byar i Norge
  • Tillegg for standar enkeltrom frå kroner 750,-
  • Måltid utover det som står i programmet
  • Drikke
  • Tips


  • Minimum tal deltakarar: 25 personar


Bildegalleri

Viktig informasjon

Viktig informasjon

Dersom du har rørslehemmingar, avklar med oss om denne turen er egna for deg.

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Onsdag 22. juli – Velkomen til San Miniato

    Avreise frå Gardermoen om ettermiddagen med fly direkte til Pisa. Derifrå køyrer vi i retning San Miniato, den vesle byen vi skal bu i medan vi er i denne regionen (busstransport for dei som har bestilt turen inkludert flyreise).

    Byen San Miniato vart først nemnd då langobardar bygde eit kapell her rundt år 800, til ære for helgenen San Miniato. Området er spesielt kjent for trøflar, god mat og vin, så her kan vi verkeleg leve det gode liv.

    Framme i San Miniato blir gruppa fordelt på to hotell. Etter innsjekkinga vil det vere felles middag på hotellet.

    (M)

  • Dag 2: Torsdag 23. juli – Rusletur i San Miniato, gourmetmåltid og Andrea Bocelli-konsert

    Etter ein god frukost går vi ut på ein rusletur i San Miniato, på veg til eit gourmetmåltid. Mellomalderbyen kan by på Catedrale di Santa Maria Assunta e di San Genesio, ein vakkert utsmykka katedral med interiør inspirert frå nyrenessanse og barokk. Oppe frå tårnet Federico kan ein nyte ein av dei flottaste utsyna over området. Når det nærmar seg tid for lunsj (mogeleg val mot tillegg i pris), samlast vi for ein rusletur til ein lokal restaurant som ligg i utkanten av byen, om lag 5 km å gå ein veg. Restauranten står oppført i Guide Michelin (utan stjerne) og har ei god og varm atmosfære. Her får vi smake på moderne mat med røter langt tilbake i dei lokale tradisjonane.

    Etter ein nydeleg, lang lunsj, vert vi henta med buss og køyrd tilbake til hotellet. Her får vi høve til å skifte og gjere oss klare for kvelden med konsertopplevinga i Lajatico. Konserten byrjar ikkje før kl. 21.30 på berømte Teatro del Silencio. Konserten varer til midnatt, og vi er tilbake til hotellet ute i dei små nattetimane.

    Arrangøren tek atterhald om vêret, og konserten kan bli flytta til den 24. juli i tilfelle uvêr. Arrangøren refunderer ikkje billettane om konserten vert avlyst.

    (F)

  • Dag 3: Fredag 24. juli – Utflukt med vingardsbesøk

    Fulle av inntrykk etter opplevingane i går, har vi i dag berekna litt ekstra god tid til frukosten. På føremiddagen blir vi henta med buss for utflukt med omvising på ein lokal vingard. I vakkert toskansk landskap blir vi møtte av vertskapet for omvising og vinsmaking. Vi skal også ete lunsj her. Dette er ei stor oppleving!

    Tilbake i San Miniato har vi ettermiddagen til fri disposisjon. Reiseleiar kjem gjerne med tips til aktivitetar her.

    Om ein vil oppleve andre tettstadar rundt San Miniato, er både småbyen Vinci og den større byen Pisa innanfor rekkevidde med offentleg transport. Vinci er fødestaden til renessansegeniet Leonardo da Vinci, og her kan ein besøke museet der ein kan lære meir om han og dei utrulege oppfinningane hans. Det er mogeleg å gå tur frå sentrum og opp til gardshuset der han vart fødd. Huset ligg om lag 3 km frå sentrum, oppe i åsen. Heile turen går på fin grusveg. Vinci har også fleire små koselege restaurantar og serveringsstader.

    Handelsbyen Pisa er verdskjend for det skeive tårnet og ligg ved den same elva som Firenze, Arno. I Pisa kan du vandre i gamlebyen og besøke ei rekke museum, i tillegg til å kikke på Det skeive tårnet. Den vakre katedralen Duomo di Pisa bør også nemnast.

    Middag denne kvelden er på eiga hand. Reiseleiar kjem gjerne med gode forslag.

    (F, L)

  • Dag 4: Laurdag 25. juli – Fridag

    Denne dagen har vi til eigen disposisjon i vakre San Miniato. Her vil det kome forslag til utflukter som det er mogleg å melde seg på etterkvart.

    (F)

  • Dag 5: Søndag 26. juli – Utflukt til Lucca

    Etter frukost set vi kursen mot den antikke byen Lucca, som går for å vere ein av dei vakraste byane i Toscana. Der blir vi møtt av ein lokal guide for byvandring.

    Denne pittoreske byen blei grunnlagt av etruskarane og er fylt med historie. Vi skal vandre i Luccas historiske sentrum på smale brusteinslagde gater, gjennom vakre torg og sjå bygningar med historie tilbake til mellomalderen og renessansen.

     

    Ein av Italia sine store komponistar, Giacomo Puccini, er fødd i byen, og Puccini-museet kan vere ei stad å besøke for interesserte.

    Vi finn også eit koseleg sentrum med innbydande spesialforretningar, trattoria og kafear tett i tett. Er du ute etter shopping, finn du også her eit godt utval av ulike butikkar. Sentrum i Lucca er omkransa av ein 4,2 km lang bymur. Ein populær aktivitet her er å leige seg ein sykkel for å oppleve byen, medan ein syklar rundt på muren. Bymuren er ein av dei best verna bymurane i Toscana. Det blir lunsj på eiga hand, og guiden vår vil anbefale restaurantar

    Vi avsluttar dagen med ein felles middag på ein restaurant i nærleiken av hotellet.

    (F, M)

  • Dag 6: Mandag 27. juli – Heimreisedag

    Etter ein tidleg frukost køyrer bussen oss til flyplassen i Firenze for turen heim (for dei som har bestilt turen inkludert flyreisa). Vi er framme på Gardermoen på ettermiddagen.

    (F)

  • Viktig informasjon

    Dersom du har rørslehemmingar, avklar med oss om denne turen er egna for deg.

Kart

AvreisedatoAvreisestadHotellLedige plassarFrå pris
22/7OsloSan MiniatoMeir enn 821 990,-BestillMer informasjon
Les meir om San Miniato»
22/7San Miniato
Utan flyreise
Meir enn 817 950,-BestillMer informasjon
Les meir om San Miniato»
Source: https://www.fotefartemareiser.no/andrea-bocelli-i-heimbyen-lajatico-san-miniato