Skip to main content

Berlin med Hans-Wilhelm Steinfeld: 100 års europeisk historie på 6 forelesingar

16. - 20. mars 2023.
Europa mellom aust og vest - frå første verdskrig til i dag.

På 1900-talet og fram til i dag har spenningane mellom aust og vest i Europa ført til mange alvorlege konfliktar og krigar. Berlin har på fleire måtar stått i sentrum for denne aust/vest-spenninga gjennom keisartid, to verdskrigar og nazismen, i tillegg til den kalde krigen og delinga av Tyskland. Etter oppløysinga av Sovjetsamveldet og innføringa av demokrati i landa i Aust-Europa, rådde det optimisme i verdsdelen vår. Utviklinga i Russland under president Putin har gått i svært negativ lei med annekteringa av Krim og i februar invasjonen i Ukraina. På nytt er Europa inne i ein frykteleg krig som ein ikkje ser enden på.

På seks forelesingar og 300 minutt tek historikaren og den kjende journalisten Hans-Wilhelm Steinfeld oss gjennom dette turbulente hundreåret i europeisk historie - frå første verdskrig til krigen i Ukraina. Som korrespondent har han i mange år levd svært tett på fleire av dei dramatiske hendingane i Europa dei siste 40 åra.

Velkommen med på ein heilt spesiell Fotefar-tur. Gjennom forelesingane får vi servert dei store historiske linjene i europeisk historie og kjem nær inn på hendingane gjennom guiding og ekskursjonar i verdsbyen Berlin.

 

 

Søk

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Torsdag 16. mars - Til Berlin og guida tur

    Avreise om morgonen med direktefly både frå Bergen og Oslo, og elles fly frå Trondheim og Stavanger via Oslo til Berlin. Busstransport frå flyplassen til det flotte hotellet vårt (4 stjerner), som ligg sentralt til i Friedrichstrasse, ved hovudgata Unter den Linden.

    Etter innsjekkinga på hotellet, kan ein melde seg på ein guida vandretur (mogeleg val, mot tillegg i pris). Vi går frå hotellet langs dei to mest kjende gatene i Berlin, nemleg Karl Liebknecht st. og Unter den Linden. På turen passerer vi det nyopna Berliner Schloss, Berliner Dom, Museumsinsel med dei imponerande musea som Pergamon, Alte Museum, Nationalgalerie, Bode-Museum, i tillegg til Deutsches Historisches Museum. Vi høyrer om, og ser på dei ruvande bygningane. Det blir opp til kvar og ein kor mykje tid ein seinare vil bruke på musea.  

    På Pariser Platz og Brandenburger Tor blir det ein god stopp. Denne porten betyr like mykje for berlinarane som Triumfbogen for parisarane. Vi avsluttar vandreturen ved Riksdagsbygningen, der den tyske nasjonalforsamlinga Bundestag held til. Denne aktiviteten krev påmelding mot tillegg i pris.

    Middag etter vandreturen på ein restaurant i nærleiken av hotellet (mogeleg val, mot tillegg i pris).

  • Dag 2: Fredag 17. mars - Forelesingar og utflukt

    Etter ein god frukost startar vi dagen med forelesing av Hans-Wilhelm Steinfeld. Tema for den første forelesinga blir: Den kommunistiske revolusjonen og første verdskrig.

    Denne dagen kan ein bli med Hans-Wilhelm Steinfeld til historiske stader i Berlin (mogeleg val mot tillegg i pris). Turen startar på Bebelsplatz, like ved Under den Linden, der nazistane starta opp den store bokbrenninga i 1933.

    Ved Checkpoint Charlie fortel Steinfeld om delinga av Berlin, bygginga av muren i 1961 og den spente situasjonen i byen under den kalde krigen. På området Topographie des Terrors snakkar han om nazistane sine mest skremmande organisasjonar som SS, som heldt til her, og om den ruvande bygninga til Gørings Luftwaffe. Steinfeld tek med gruppa vidare til den opne plassen over bunkeren til Hitler og fortel om denne mannen som stod bak den fryktelege verdskrigen. Ved Holocaust Memorial stoppar gruppa, og Steinfeld greier ut om det store minnesmerke over jødane som vart drepne av nazistane. Ekskursjonen endar ved Brandenburger Tor. 

    Før middagen om kvelden får vi den andre forelesinga av Hans-Wilhelm Steinfeld med emnet: Keisar- og tsartid.

    Etter forelesinga blir det middag på ein god restaurant nær hotellet (mogeleg val, mot tillegg i pris)
    (F)

  • Dag 3: Laurdag 18. mars - Forelesingar og guida tur

    Vi startar dagen med ein god bufféfrukost på hotellet. Etterpå blir det ei ny forelesing med Hans-Wilhelm Steinfeld. Tema blir: Mellomkrigstida og andre verdskrigen.

    Etter foredraget gir vi tilbod om følgjande aktivitet (mogeleg val mot tillegg i pris): Halvdagsutflukt i Berlin med felleslunsj inkludert. Opplegget startar med eit besøk i TV-tårnet, som ligg ved Alexanderplatz. Vi tek heisen opp i det 365 meter høge tårnet og får ei fantastisk utsikt over Berlin. Deretter går vi den korte vegen til Berliner Dom, som er den største og flottaste kyrkja i byen, og her får vi også med oss ein orgelandakt. Neste post på programmet er besøk på det svært interessante DDR-museet før vi går til ein typisk tysk restaurant for lunsj. Til slutt legg vi opp til eit lengre opphald på Humboldt Forum på Berliner Schloss. Dette er eit fantastisk flott museum for verdas kulturarv.

    Tidleg om kvelden møtest vi i konferanserommet til Steinfeld sitt foredrag: Den kalde krigen og delinga av Europa og Tyskland.

    Etter foredraget blir det middag på ein koseleg restaurant (mogeleg val, mot tillegg i pris).
    (F) 

  • Dag 4: Søndag 19. mars - Forelesing og tur til Potsdam

    Vi møtest i konferanserommet etter frukost og får ei ny forelesing av Hans-Wilhelm Steinfeld: Oppløysinga av Sovjetsamveldet og innføring av demokrati i Aust-Europa.

    Denne dagen kan ein delta på guida vandretur i Berlin  (mogeleg val, mot tillegg i pris) eller ein dagstur til byen Potsdam med buss (mogeleg val, mot tillegg i pris). På bussturen får vi med oss kjende stader i utkanten av Berlin som den nedlagde flyplassen Tempelhof. Her er det reist eit monument til minne om luftbrua under Berlinblokaden i 1948-49. Vi stoppar også ved Olympiastadion, der dei olympiske leikane vart arrangerte i 1936.  I Kleinmachnow står ein minnestein over diktaren Nordahl Grieg, og vi får høyre om dei dramatiske omstenda då bombeflyet han var om bord i, vart skote ned i 1943. Minnesmerket er plassert der flyet styrta, og mannskapet omkom. Bussen køyrer innom Wannsee, og vi får sjå villaen der den forferdelege Wannsee-konferansen fann stad den 20. januar 1942. Her bestemde Reinhard Heydrich, Adolf Eichmann og 13 andre frå SS og etterretningstenesta å utrydde den jødiske folkegruppa i Europa.

    Vi dreg vidare til Potsdam og får med oss det berømte slottet Sanssouci. Namnet er fransk og tyder utan sorg. Det imponerande rokokkoslottet er frå 1745 og var Preussen sitt svar på franskmennene sitt slott i Versailles. Kong Fredrik den store gjorde sjølv skisser til slottet og den vakre hagen. I denne byen møttest Stalin, Truman og først Churchill, og deretter Attlee sommaren 1945 for drøfte situasjonen i Europa etter krigen. Dette viktige møtet blir kalla Potsdam-konferansen.

    Vi ruslar elles litt rundt i denne historiske byen, og det blir felles lunsj som del av ekskursjonspakken. Retur til hotellet.

    Tidleg om kvelden møtest vi i konferanserommet til Steinfeld sitt siste foredrag: Krigen i Ukraina og vegen vidare for Europa.

    Etter forelesinga blir det middag på ein god restaurant (mogeleg val, mot tillegg i pris).
    (F)

  • Dag 5: Måndag 20. mars - Heimreise

    Frukost på hotellet.

    Det blir tid til å oppleve folkelivet i Berlin nokre timar før avreise.

    Buss frå hotellet til flyplassen. Fly tilbake til Trondheim, Stavanger, Oslo og Bergen, der vi er framme på ettermiddag/kveld. 
    (F) 

Avgangar & prisar

AvreisedatoAvreisestadHotellLedige plassarFrå pris
16/3BergenBerlinMeir enn 816 950,-BestillMer informasjon
16/3OsloBerlinMeir enn 815 950,-BestillMer informasjon
16/3StavangerBerlin816 950,-BestillMer informasjon
16/3TrondheimBerlin816 950,-BestillMer informasjon
Reisekalender
30/12Nyttårsfeiring i ParisFrå 13 990,-
30/12Nyttårsfeiring i ParisFrå 12 990,-
25/1Sogn til Grüne Woche 2023Frå 5 208,-
25/1Sogn til Grüne Woche 2023Frå 7 362,-
Kontakt oss
Våre telefontider er 09.00 til 12.00 og 13.00 til 14.00.
Adresse:
Fotefar Temareiser AS
Sognefjordvegen 40
6863 Leikanger
  • RGF Logo