4. - 9. august 2022.
Bli med oss til Island, og sjå fleire av dei store attraksjonane på denne eksotiske øya. Vi bur i Reykjavik og blir kjende med denne moderne byen som blir rekna som verdas minste metropol. Av attraksjonar besøkjer vi nasjonalparken Þingvellir, med den verdskjende tingplassen, det imponerande fossefallet Gullfoss, dei sprutande kjeldene ved Geysir og det gamle bispesetet Skálholt. Vi skal også nordover til Borgarfjörður, der den kjende høvdingen og sagaskalden Egil Skallagrimsson budde. Og vi får sjølvsagt med oss eit besøk på Reykholt. Det var garden til Snorre Sturlason, som blant anna skreiv Heimskringla. På turen opplever vi den ville og vakre naturen på sagaøya, men også store og velstelte gardar. Det er også ei stor oppleving å bade i dei varme kjeldene i populære Blå Lagune. Vi er så heldige å ha med oss rikskjendisen, professor Gunnstein Akselberg som reiseleiar og guide på heile turen.
