Fotefar Temareiser AS » Turar 2026 » Nerdrum og Munch med Öde Nerdrum og Einar Duenger Bøhn

Nerdrum og Munch med Öde Nerdrum og Einar Duenger Bøhn

29.07. - 02.08.2026.

Bli med oss på ei reise gjennom verka til to av verdas mest anerkjende målarar, Odd Nerdrum og Edvard Munch, og oppdag korleis kunsten deira gjev liv til menneskelege erfaringar. 

Det som gjer denne turen heilt spesiell, er fagpersonane våre. Du får vere saman med Öde Nerdrum, son til Odd Nerdrum, og Einar Duenger Bøhn som er professor i filisofi og forfatter av boka “Nerdrum som oppdrager”.  Dei deler personlege forteljingar, refleksjonar og innsikt du ikkje får nokon annan stad. Engasjementet og førstehandskunnskapen dei sit på, gjer at kunsten kjennest levande og nær. 

Denne turen passar for alle som er nysgjerrige på kva det eigentleg vil seie å fange det menneskelege i kunsten. Med fagpersonar som har personleg tilknyting til kunstnarane, vert opplevinga noko langt meir enn eit vanleg museumsbesøk.

Pris frå:
29 950,-
Dagar: 5
Inkludert for alle deltakarar:
  • Busstransport som vist i programmet
  • 4 overnattingar på 4-stjerners hotell
  • 4 frukostar
  • 2 lunsjar
  • 2 middagar
  • Kveldsaktivitet (teikneøkt)
  • Reiseleiar frå Fotefar


Ikkje inkludert:
  • Flyreise
  • Enkeltromstillegg kr 2890,–
  • Måltid utover det som er nemnt i programmet
  • Drikke utover inkludert vinpakke
  • Tips

Bildegalleri

Viktig informasjon

Viktig informasjon  
 
Visum / innreiseløyve og helsekrav 

  • Norske borgarar treng ikkje visum for innreise til Noreg. 

 

Denne turen tar føre seg I Noreg. 
 

  • Borgarar frå EU/EØS-land treng ikkje visum for innreise til Noreg. 

  • Borgarar frå mange andre land kan opphalde seg i Noreg visumfritt i inntil 90 dagar i løpet av ein 180-dagarsperiode. 

  • Reisande som treng visum, må søkje om Schengen-visum før avreise 
     
    Det er den reisande sitt ansvar å sikre at ein oppfyller gjeldande innreisekrav. Vi tilrår at du tek kontakt med næraste norske ambassade eller konsulat for oppdatert og detaljert informasjon. 

Dagsprogram

  • Atterhald om endringar
    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1 - Onsdag 29. juli: Ankomstdag

    Ankomst til Tønsberg og innsjekk på Hotel Klubben frå kl. 15.00. Hotellet ligg vakkert til ved bryggekanten og har vore ein sentral del av byens kulturliv sidan 1968. 

    Resten av dagen er til fri disposisjon. Ta ein rusletur langs bryggepromenaden, utforsk Noregs eldste by eller slapp av på hotellet før programmet tek til. 

  • Dag 2 - Torsdag 30. juli: Munch og den nasjonale samlinga

    Etter frukost reiser vi med privat buss til Oslo. 

    Første stopp er spektakulære MUNCH, som rommar verdas største samling av verk av Edvard Munch. Under ei privat omvising leia av Öde Nerdrum og Einar Duenger Bøhn, går vi i djupna på utvalde verk, med tid til å granske dei og samtale om det vi ser. 

    Lunsj vert servert på museet sin restaurant Tolvte og Kranen, med ein torettars meny og tilhøyrande vinpakke. 

    Om ettermiddagen held vi fram på Nasjonalmuseet, Noregs største museum for kunst, arkitektur og design. Her inviterer Öde og Einar oss til å senke tempoet og møte utvalde meisterverk gjennom kunstnarleg og filosofisk samtale. 

    Dagen vert avslutta med velkomstmiddag på Ekebergrestauranten, vakkert plassert med utsyn over Oslofjorden. Her får vi servert tre rettar og vinpakke er inkludert. 

    Retur til Tønsberg med privat buss om kvelden.

  • Dag 3 - Fredag 31. juli: Nerdrum sitt univers

    Etter ein roleg morgon reiser vi med privat buss til Stavern og Nerdrum Museum. 

    Denne utvida omvisinga gjev eit sjeldan og nært møte med kunsten og universet til Odd Nerdrum. Med Öde og Einar som guidar vert det ei vandring prega av personleg innsikt, kunstnarleg refleksjon og filosofisk tolking. Særleg merksemd vert retta mot utvalde verk, og vi opnar for djupare samtalar om symbolikk, teknikk og menneskelege grunnvilkår. 

    Lunsj vert servert på Havfuglen Café, som ligg vegg i vegg med museet. Torettars lunsj er inkludert. 

    Vi returnerer til Hotel Klubben seint på ettermiddagen. Kvelden er fri.

  • Dag 4 - Laurdag 1. august: Å sjå og å teikne

    Etter frukost er føremiddagen fri til å nyte Tønsberg i eige tempo. 

    Om ettermiddagen samlast vi til ei privat teikneøkt med levande modell. Økta er ei naturleg vidareføring av museumsbesøka våre. Det er ingen krav om forkunnskapar. Fokuset ligg på nøye observasjon – å lære å verkeleg sjå lys, proporsjonar og nærvær. 

    Teikneøkta vert også gjennomført som ein liten og uformell konkurranse, meint å skape konsentrasjon og engasjement i ein leikande og uformell tone. 

    Om kvelden samlast vi til avskjedsmiddag på Restaurant Victor, berre nokre få minutt å gå frå hotellet. Tre rettar med vinpakke vert servert i eit privat område reservert for gruppa.

  • Dag 5 - Søndag 2. august: Heimreisedag

    Frukost på hotellet. 

    Utsjekk frå Hotel Klubben innan kl. 12.00. 

    Individuell avreise.

AvreisedatoAvreisestadHotellLedige plassarFrå pris
29/7Norge Tønsberg
Utan flyreise
629 950,-BestillMer informasjon
Les meir om Norge Tønsberg»
Source: https://www.fotefartemareiser.no/nerdrum-og-munch