18. - 22. september 2023.
Bli med Fotefar og Didrik Solli-Tangen på ein unik tur til vakre og historiske Napoli, der vi får oppleve den verdskjende operaen Madame Butterfly i ærverdige Teatro di San Carlo, som vart bygd i 1737. Napoli er ein pulserande storbyen på full fart opp som ein svært viktig turiststad i Italia. Sentrum i byen er som eit levande museum med palass, kyrkjer, kloster og museum og har om lag 1 million innbyggjarar.
Didrik Solli-Tangen er fødd i Porsgrunn og fekk sitt nasjonale gjennombrot då han vann Melodi Grand Prix i 2010 med låta «My Heart Is Yours». Sidan då har han fortrylla mange med stemma si, og gleda mange tusen fjernsynssjåarar med deltaking i både Stjernekamp, 71 grader nord, Maskorama og i Kompani Lauritzen. Didrik har sunge duett med operalegenda José Carreras og Eurovison-vinner Loreen. På turen skal han ta oss gjennom ei musikalske reise fordelt på to sekvensar, der han både syng og fortel. Vi skal ikkje avsløre alt, men det er eit variert musikalsk spekter i det som skal framførast. Vi kan nemne den svenske hiten Sommarnatt, Torna A Surriento, Bridge over troubled water, Caruso og songen han vann Grand Prix med, My Heart Is Yours.
