Skip to main content

Roma med operaen Tosca

4. - 7. november 2022.
Ingen enkeltromstillegg.

Fotefar har gleda av å invitere til ei fin langhelg i Roma, denne vakre byen som blir kalla “Den evige stad”. Den eine kvelden har vi sikra deltakarane våre billettar til operaen Tosca av Giacomo Puccini  som vert vist på ærverdige Teatro dell'Opera di Roma, same scene som operaen vart urframført på den 14. januar 1900. Vi er spesielt glade for å kunne tilby denne kulturelle opplevinga.     

Vi bur på eit 4-stjerners hotell i gåavstand til Teatro dell’Opera. Ein dugande skandinavisktalande guide vil vise oss rundt om i pittoreske og historiske Roma, og ta oss med på ei byvandring med fokus på stader som er nemnde i operaen Tosca.  

Det blir også tid til å senke tempoet, vandre i gatene og ta ein caffè latte på ein kafé og berre sjå på folkelivet og nyte atmosfæren. Vi er sikre på at denne turen vil bli ei minnerik oppleving, både for dei som har vore i Roma tidlegare, og for dei som reiser dit for første gong.

Med atterhald om endringar.

 

 

Søk

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Fredag 4. november - Framme i Roma

    Avreise med fly frå Oslo på morgonen direkte til Roma. 

    På bussturen frå flyplassen til hotellet får vi litt informasjon om Roma, og kva vi kan forvente dei neste dagane. Etter innsjekkinga på det 4-stjerners hotellet vårt, er det lagt opp til lunsj på eiga hand. Det er også litt tid til å rusle rundt i nabolaget og gjere seg kjent.

    På kvelden vert det velkomstmiddag.
    (M)

  • Dag 2: Laurdag 5. november - Roma med operaen Tosca

    Etter ein lang og god frukost legg vi opp til ein guida vandretur i sentrum av Roma, der fokuset er på stader der handlinga i operaen Tosca utspelar seg. Plottet er lagt til Napoleon si erobring av Italia hundre år tidlegare. Tematikken er likevel tidlaus: Makt og erotikk, og kor langt menneska er villige til å strekke seg for dette. Operaen inneheld nokre av dei finaste ariane i musikkhistoria.

    Det som er så fantastisk med Tosca, er at kvar av aktene går føre seg på verkelege stader i Roma. Då Puccini jobba med operaen, målte han for eksempel den eksakte lyden av tårnklokkene i Castel Sant'Angelo for å kunne skape dei att perfekt.  På vandreturen følgjer vi i fotefara til Puccini i Roma sentrum. Vi skal blant anna sjå kyrkja Santa Andrea della Valle, renessanseplassen Palazzo Farnese og nettopp Castel Sant'Angelo, eller Engleborga på norsk. Til slutt endar vi opp på Piazza Navona med dei vakre fontenene og den egyptiske obelisken. Piazza Navona er rekna som Roma si storstove med yrande folkeliv heile dagen.

    Etter vandreturen får vi servert lunsj på ein koseleg restaurant. Ettermiddagen til eigen disposisjon.

    Kl. 17.30 går vi samla frå hotellet i ca. 15 min. til Teatro dell’Opera. Dette er på same scene som operaen vart urframført på den 14. januar 1900. Produksjonen følgjer originaldesignet frå premieren, så her får vi verkeleg ei klassisk operaoppleving.
    (F, L)

  • Dag 3: Søndag 6. november - Roma

    Etter frukost denne dagen er det opp til kvar og ein å nytte dagen i Roma på eiga hand. Byen er som eit levande museum, så her er det mykje å velje mellom. Alle står fritt til å sjå det dei sjølve ønskjer å få med seg «when in Rome».

    Fleire vil gjerne besøkje Peterskyrkja og oppleve magien der. Atter andre vil få med seg Vatikanmuseet med dei pavelege kunstsamlingane, der høgdepunktet er Det sixtinske kapell og dei fantastiske freskoane til Michelangelo. Elles kan vi anbefale kunstmuseet Galleria Borghese, som husar verk frå fleire av Italia sine mange kunstnarar. Her finn du verk frå både Leonardo da Vinci, Caravaggio og Bernini med fleire.  

    Vi rår alle til å undersøkje behovet for å tinge billettar  på førehand til attraksjonar ein vil vitje. Reiseleiar kjem gjerne med råd.

    Dei som ønskjer det, kan slå følgje med reiseleiaren denne dagen på ein avslappande vandretur. Vi får med oss den berømte Spansketrappa, og besøkjer verdskjende Fontana di Trevi, aller mest kjend frå badescena med Anita Ekberg i Frederico Fellinis film “La dolce vita”. Det er vidare kort veg til storslegne Pantheon frå ca. år 125, som først vart bygd som tempel, men etter innføringa av kristendommen har vore nytta som gudshus. Pantheon, tyder alle gudars sitt tempel, og blir rekna som eitt av verda sine store underverk.

    Vi ser på folkelivet, stoppar opp, kosar oss og slappar av med ein kopp kaffi eller noko godt i glaset. Dette er også dagen for shopping, om ein ønskjer det.

    Felles middag på kvelden.
    (F, M)

    er som eit levande museum, så her er det mykje å velje mellom. Alle står fritt til å sjå det dei sjølve ønskjer å få med seg «when in Rome».

    Fleire vil gjerne besøkje Peterskyrkja og oppleve magien der. Atter andre vil få med seg Vatikanmuseet med dei pavelege kunstsamlingane, der høgdepunktet er Det sixtinske kapell og dei fantastiske freskoane til Michelangelo. Elles kan vi anbefale kunstmuseet Galleria Borghese, som husar verk frå fleire av Italia sine mange kunstnarar. Her finn du verk frå både Leonardo da Vinci, Caravaggio og Bernini med fleire.  

    Vi rådar alle til å undersøkje behovet for å førehandstinge billettar til attraksjonar ein vil vitje. Reiseleiar kjem gjerne med råd.

    Dei som ønskjer det, kan slå følgje med reiseleiaren denne dagen på ein avslappande vandretur. Vi går forbi den berømte Spansketrappa, og besøkjer verdskjente Fontana di Trevi, aller mest kjend frå badescena med Anita Ekberg i Frederico Fellinis film “La dolce vita”. Det er vidare kort veg til storslegne Pantheon frå ca. år 125, som først vart bygd som tempel, men etter innføringa av kristendommen har vore nytta som gudshus. Pantheon, tyder alle gudars sitt tempel, og blir rekna som eitt av verda sine store underverk.

    Vi ser på folkelivet, stoppar opp, kosar oss og slappar av med ein kopp kaffi eller noko godt i glaset. Dette er også dagen for shopping, om ein ønskjer det.

    Felles middag på kvelden.
    (F, M)

  • Dag 4: Måndag 7. november - Heimreisedag

    Denne morgonen blir det ein lang og god frukost, før vi sjekkar ut frå romma og er klar for avreise med buss frå hotellet til flyplassen. Fly direkte til Oslo, der vi er framme tidleg ettermiddag.
    (F)

Avgangar & prisar

AvreisedatoAvreisestadHotellLedige plassarFrå pris
4/11OsloRoma
Atterhald om ledig operabillet / hotell.
212 990,-BestillMer informasjon
Kontakt oss
Våre telefontider er 09.00 til 12.00 og 13.00 til 14.00.
Adresse:
Fotefar Temareiser AS
Sognefjordvegen 40
6863 Leikanger
  • RGF Logo