.png)
.png)
26. – 29. mai 2023.
Dette er ei langhelg i verdshistoria frå dei første sivilisasjonane, over kinesiske dynasti og det osmanske riket, til framveksten av den moderne verda, Vestens siger og dominans på 1800-talet, til det spente tilhøvet mellom Kina og USA og klimakrisa i dag. Alt dette blir plassert på dei lange linjene i historia.
Dette skjer berre på ein stad, nemleg på Kviknes Hotel i slutten av mai 2023. Førelesar er professor Terje Tvedt, vel kjend som forskar og formidlar. Bøkene hans om verdshistoria og Nilen har vorte bestseljarar i Norge og er omsett til mange språk. Han står også bak og har vore programleiar for fleire TV-dokumentarar om verdshistoria og vassvegane. Desse er vorte viste over heile kloden, og kjøpt av alt frå National Geographic til Netflix. Tvedt har tidlegare vore med på ein tur med Fotefar temareiser, og deltakarane var særs nøgde med førelesningane hans.
Med guiding rundt om i sentrum og langs sjøkanten i Balestrand blir vi og kjende med den vakre turistbygda. I tillegg får vi også tilbod om sidersmaking, guida fjelltur eller el-sykkeltur langs fjorden.
Velkommen til hyggelege og lærerike dagar i historiske omgivnader ved Sognefjorden!
