Fotefar Temareiser AS » Turar 2027 » Cruise til Grønland og Island med Harald Stanghelle

Cruise til Grønland og Island med Harald Stanghelle

4. – 19. juli 2027.
Liverpool – Tórshavn – Reykjavík – Narsarsuaq – Qaqortoq – Nanortalik – Belfast – Liverpool.

Velkommen med på det store cruiset til Grønland og Island! På denne draumeruta får vi oppleve den eksotiske naturen og dyrelivet på desse store øyane vest i havet. Gjennom forelesingar av Harald Stanghelle får vi lære meir om historia og samtida til folka som lever her.

Vi startar med fly til Manchester, der bussen køyrer oss til Liverpool, der vi overnattar før vi går om bord i cruiseskipet, Borealis. Derifrå går ferda til Færøyane og nordover til Reykjavik på Island, før vi set kursen mot Grønland og dei gamle norrøne bygdene sørvest på øya. Vi seglar først inn Prins Christians sund før vi kjem til Narsarsuaq med ruinane etter Eirik Raude sin gard. Vidare går skipet til Sør-Grønlands største by, Qaqortoq og så til Nanortalik, der det er størst sjanse til å sjå isbjørn. Turen held så fram til Belfast, før vi returnerer til Liverpool.

Undervegs på turen blir det spennande foredrag av Harald Stanghelle om tema heilt frå norrøn tid til samfunn og kultur på dei to øyane i moderne tid. Stanghelle budde på Grønland i unge år, og har blant mykje anna vore sjefredaktør i Dagbladet, nyheitsredaktør og politisk redaktør i Aftenposten, i tillegg til leiar i Norsk Redaktørforening. Frå 2019 har han leia hovudprogramkomiteen for Arendalsuka.

 

 

Pris frå:
49 450,-
Dagar: 16
Inkludert for alle:
  • 1 overnatting på 3/4-stjerners hotell i Liverpool
  • 15 frukostar
  • 14 middagar
  • 14 lunsjar
  • Kveldsunderhaldning
  • Reiseleiar frå Fotefar med på heile turen
  • Foredrag frå Harald Stanghelle
Inkludert for dei som kjøper turen med fly:
  • Flyreise Oslo, Bergen, Trondheim og Stavanger – Manchester t/r (tilknyting frå andre byar mot tillegg ved førespurnad)
  • Busstransport flyplass-hotell
  • Busstransport hotell-flyplass
Ikkje inkludert:
  • Flytilknyting frå/til andre byar i Norge
  • Enkeltromstillegg
  • Måltid utover det som står i programmet
  • Drikke
  • Tips, 6 pund per natt på cruiset
  • Utflukter arrangerte av cruiseselskapet
  • Aldersgrense for denne reisa er 18 år
  • Minimum tal deltakarar: 40 personar
  • Maks antal lugarar ombord: 702 lugarar

Bildegalleri

Viktig informasjon

Norske borgarar må ha ein godkjend ETA-søknad (Electronic Travel Authorization), innreiseløyve, for innreise til Storbritannia. Søknaden må fyllast ut på nettet av den reisande sjølv (Apply for an electronic travel authorisation (ETA) - GOV.UK) eller i ein app (UK ETA). Løyvet er gyldig i to år, eller kortare om passet si gyldigheitstid er kortare enn to år.

Dersom du har rørslehemmingar, avklar med oss om denne turen er egna for deg.

På havcruise er vi usett for vêr og andre uforutsette hendingar. Skulle noko oppstå, reserverer reiarlaget seg retten til å endre seglingsrute, tider og program. Det blir ikkje gitt refusjon for slike endringar i programmet.

Om skipet

Borealis

Vi seglar med Borealis – eit elegant og romsleg skip som er oppkalla etter nordlyset, eit symbol på eventyr og oppdaging. Skipet har om lag 702 gjesteluggarar og byr på ein varm og innbydande atmosfære. Her finn vi fleire restaurantar med variert meny, trivelege barar og salongar der ein kan slappe av. For dei som ønskjer aktivitetar, er det teater, handverksrom, treningssenter og eit flott spa-område. Borealis er designa for komfort og gode opplevingar, med store dekk og fine fellesareal.

Dagsprogram

  • Atterhald om endringar
    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • DAG 1: Søndag 4. juli - Vi reiser til Liverpool

    Avreise frå Oslo, Bergen, Trondheim og Stavanger til Manchester. Vi blir fleire grupper frå ulike avreisebyar på dette cruiset. Bussen vår tek oss frå flyplassen i Manchester til hotellet i Liverpool sentrum (for dei som kjøper reisa med fly). Om kvelden anbefaler vi eit besøk på Cavern Club der ein kan oppleve live Beatles-musikk frå gode coverband.

  • DAG 2: Måndag 5. juli - Liverpool – Vi mønstrar på skipet

    Etter ein god frukost på hotellet har vi tid til å sjå oss om i nærområdet før bussen køyrer oss til cruiseskipet, og vi er klare for å gå om bord om ettermiddagen. Skipet vårt, Borealis, har 702 lugarar og tilbyr ei cruiseoppleving med ein varm og innbydande atmosfære. Dei fleste av dei andre passasjerane  er engelske turistar.

    Frå Liverpool seglar vi sakte ut frå Mersey-elva og inn i Irskesjøen, og vi møtest i restauranten til den første middagen om bord. Vi har vår eigen del av hovudrestauranten, og kan nyte maten medan skipet tek fatt på den første etappen. Resten av kvelden og natta går med til å segle nordover forbi Isle of Man og Hebridane.
    (F, M)

  • DAG 3: Tysdag 6. juli - Ein dag til sjøs

    Denne dagen er vi på sjøen heile tida på veg nordover mot Færøyane, Island og Grønland, og vi legg opp til foredrag av Harald Stanghelle. Tema for foredraga kjem!

    Elles blir det god tid til å slappe av og nytte seg av alle fasilitetar om bord på skipet (nokre av desse kan bestillast på førehand). I tillegg til den store salen som viser show på kveldane, finst det butikkar, bibliotek, treningsrom, utandørs joggeløype og rom for kortspel. Der er også fleire kafear og barar på skipet, og vi finn oss ein «stamkafé» der ein kan treffe reiseleiarane gjennom dagen. Det er heilpensjon om bord, så alle måltida på skipet er inkluderte i turprisen. Spa-tilbod finst også på Borealis med sauna, symjebasseng og badestampar.

    Om kvelden møtest vi til middag i avdelinga vår i hovudrestauranten.
    (F, L, M)

  • DAG 4: Onsdag 7. juli – Tórshavn på Færøyane

    Færøyane har alltid hatt eit spesielt forhold til Norge og oss nordmenn, og ein merkar at ein blir spesielt godt motteken som norsk gjest på desse øyane. Tidleg om morgonen kjem vi fram til hovudstaden, Tórshavn. Frå frukostrestauranten følgjer vi med på innseglinga til den grøne, dramatiske kysten.

    I motsetning til mange andre nordiske byar med trehus, har Tórshavn aldri vorte ramma av ein omfattande bybrann. Vi finn difor mange bevarte hus frå 1500- og 1600-tallet i byen. Skipet ligg til kai heile dagen, og vi anbefaler at ein bruker tida til å rusle rundt i dei koseleg gatene. Her kan ein også melde seg på ein av dei mange utflukter arrangert av reiarlaget (mot tillegg i pris). Spesielt bydelen Tinganes med sine karakteristiske raude hus med torvtak er verdt eit besøk. Dette var staden for tinget til dei første nordmennene som slo seg ned på Færøyane i 825. Sjølv om Færøyane har vore underlagt Danmark i mange år, føler mange ei sterkare tilknyting til Norge. Her finst norsk/færøyske foreiningar og festivalar som feirar vår felles vikinghistorie, og i tillegg ein tradisjonsmusikk med sterke band til den norske folkemusikken.

    Etter at vi har ete middag i restauranten, set skipet kurs vidare nordover mot Island.
    (F, L, M)

  • DAG 5: Torsdag 8. juli - Til sjøs

    Gjennom dagen seglar vi på open sjø i retning sagaøya, og kanskje ser vi konturane av kysten til vulkanøya før det mørknar. Undervegs blir det foredrag av Harald Stanghelle med tema om Island.

    Om kvelden samlast vi i delen vår i hovudrestauranten. Ein kan også ete middag på ein av dei andre restaurantane, viss ein ønskjer det. Er vi heldige, får vi oppleve ein nydeleg solnedgang ute på det opne havet.
    (F, L, M)

  • DAG 6: Fredag 9. juli - Reykjavik

    Denne dagen har vi god tid til å oppleve bykjernen i Reykjavik. Vi kan for eksempel anbefale eit besøk i den særmerkte og ruvande Hallgrímskyrkja. Nokre dagar har dei også gratis orgelkonsertar der. Framfor kyrkja står ein stor statue av Leif Eiriksson, oppdagaren av Amerika. Statuen er ei gåve frå USA i samband med 1000-års jubileet for Alltinget i 1930. Derifrå er det kort veg til statuen av Ingolf Arnarson. Han kom frå Sunnfjord i år 874 og var den første landnåmsmannen på Island. Frå statuen kan vi sjå det imponerande konserthuset Harpa.

    Landnåmsmuseet Reykjavik 871 +/-2 er også verdt å få med seg. Museet har fått namnet sitt frå eit vulkanutbrot som fann stad rundt denne tida. Det spreidde seg oske frå utbrotet som kom til å breie seg utover store delar av Island. I dag vert dette oskelaget nytta til å tidfeste funn frå utgravingar.

    Eit anna alternativ for dei som er historieinteresserte, er Islands nasjonalmuseum. Ein kan også besøkje Sagamuseet som viser landnåmsperioden og den eldste islandske historia på ein framifrå måte.

    Reykjavik vert rekna som verdas minste metropol med gode høve til shopping. Fleire kan kanskje tenkje seg å bruke noko tid i handlegatene i sentrum. Dei beste butikkane finn vi i Laugavegur, Bankastræti og til dels i Austurstræti og i Vesturgata. Andre vil gjerne berre rusle rundt i sentrum for å oppleve folkelivet. Ein kan også melde seg på utflukter arrangert av cruiseselskapet mot tillegg i turprisen.

    Om kvelden blir det middag i hovudrestauranten medan vi startar på turen vestover mot Grønland.
    (F, L, M)

  • DAG 7: Laurdag 10. juli – Til sjøs

    Det blir heil dag til sjøs mot Grønland, og ruta vi følgjer har nok blitt brukt heilt frå vikingtida og vidare i mellomalderen. Vi legg opp til foredrag av Harald Stanghelle også denne dagen. Tema kjem.

    Elles er det mange ting å gjere om bord. Vi satsar på fint vêr denne sommardagen og anbefaler å bruke dagen ute på dekk. Viss ein treng ei forfrisking, er det mange tilbod om bord, inkludert cocktail- og vinbar og fleire pubar. Utvalet av restaurantar er også stort, med alt frå gourmetrestaurantar med kvite dukar, til enklare bistroar.

    Om kvelden møtest vi til middag i avdelinga vår i hovudrestauranten. Viss ein ønskjer det, kan ein også ete på ein av dei andre restaurantane om bord.
    (F, L, M)

  • DAG 8: Søndag 11. juli - Gjennom Prins Christians sund, Grønland

    Tidleg denne morgonen seglar vi inn i Prins Christians sund som strekkjer seg heile 100 kilometer inn i landet. Eirik Raude tok truleg denne ruta då han kom til Grønland for første gong for å unngå røffare sjø rundt Kapp Farvel. Sundet er berre 500 meter på det smalaste og er omkransa av vakre fjell, granittblokker og isbrear. Det lange sundet eller fjorden er berre open for sjøfart om sommaren, då store ismassar stengjer sundet gjennom den lange vinteren.

    Er vi heldige, får vi sjå mykje av det varierte dyrelivet. Her finst både skjeggselar, svarte lomviar i tillegg til våg- og blåkvalar.

    I dag blir foredraget til Harald Stanghelle omhandlande Grønland.

    Om kvelden møtest vi til middag i avdelinga vår i hovudrestauranten. Viss ein ønskjer det, kan ein også ete på ein av dei andre restaurantane om bord.
    (F, L, M)

  • DAG 9: Måndag 12. juli - Narsarsuaq, Grønland

    Neste morgon vaknar vi medan skipet er på veg inn til Narsarsuaq. Denne koselege bygda har berre ca. 200 innbyggjarar. I dette området er det eit utruleg dyreliv og fantastiske brear med glasklår, blå farge.

    Her finn vi også ein statue av Eirik Raude. Omkring år 985 slo han seg ned på Brattalid inst i fjorden, og som seinare vart kalla opp etter han. Garden vart graven ut på 1920-talet av dei danske arkeologane Poul Nørlund og Aage Roussell. På 1960-talet vart også Tjodhildkyrkja, som høyrde til garden, grave ut. Kyrkja målte berre 2 x 3,5 meter, og er no bygd opp att ikkje langt frå den opphavlege staden. Garden og kyrkja var ein del av det som vart kalla Austbygda på Grønland. Cruiseselskapet arrangerer også utflukter her (mot tillegg i pris.)

    Avgang om kvelden. Etter middag i restauranten set skipet kurs mot aust i retning Qaqortoq.
    (F, L, M)

  • DAG 10: Tysdag 13. juli - Qaqortoq, Grønland

    Qaqortoq er den største byen i Søraust-Grønland, og den vart grunnlagd av norske handelsmenn i 1775. Bynamnet tyder “Den kvite” etter den kvitkalka Hvalsey kyrkje frå norrøn tid. Dette var ein av dei viktigaste norrøne busetnadene på øya og var ein del av Austerbygda. På 1400-talet forsvann dei siste norrøne folka frå området, og årsaka til forsvinninga er omstridd. Den siste skriftlege kjelda om busetjinga er frå 1408, men det vert hevda at oppdagaren Didrik Pining besøkte busetnadene på Grønland så seint som i 1480-åra. Ruinane er no på UNESCO si verdsarvliste.

    Den vesle byen på vel 3000 innbyggjarar ligg fint til mellom åsar med sine sterkt farga hus. Her har vi tida frå tidleg morgon til sein ettermiddag i byen og området rundt. Vi kan anbefale ein spasertur til sentrum av bygda med sine mange butikkar og eit par kaféar. Rundt torget finn ein skulpturar frå kjende skandinaviske kunstnarar og Grønlands eldste fontene frå 1928. Dei 40 skulpturane kom til gjennom engasjementet til den lokale kunstnaren, Aka Høegh.

    Rett sør for Qaqortoq ligg det varme kjelder som ein kan bade i, og det er lett å ta seg ein fjelltur rundt byen. Cruiseselskapet arrangerer også utflukter (mot tillegg i prisen).

    Om kvelden samlast vi i delen vår av hovudrestauranten. Ein kan også velje å ete på ein av dei andre restaurantane om bord.
    (F, L, M)

  • DAG 11: Onsdag 14. juli - Nanortalik, Grønland

    Om natta har skipet teke oss ein ny etappe på eventyrreisa vår, og vi ankrar opp i Nanortalik som har om lag 1500 innbyggjarar. Bygda ligg ved innfarten til den imponerande Tasermiutfjorden og dei bratte fjella rundt.

    Dette er eitt av områda der det er ein del isbjørnar. Dei lever og jagar på sjøisen nær byen, og det er mykje kval og sel i sjøen.

    Vi har god tid i land, og vi anbefaler ein tur til den gamle hamna i sentrum av bygda, som delvis er gjort om til eit museum. Dette er Grønlands mest omfattande lokalmuseum, og det tek for seg fiske- og fangsthistoria til bygda og landsdelen. Ein kan også velje å melde seg på ekskursjonar i regi av cruiseskipet til attraksjonar i nærleiken (mot tillegg i pris).

    Avreise seint om ettermiddagen. Denne kvelden seglar skipet forbi Grønlands sørlegaste punkt, Kapp Farvel, og vi legg øya bak oss og set kursen mot nordvestkysten av Island. Viss vi er heldige, får vi med oss ein fin solnedgang denne julinatta.
    (F, L, M)

  • DAG 12: Torsdag 15. juli - Til sjøs

    Skipet tek oss sørover mot Island. Vi legg opp til foredrag av Harald Stanghelle også denne dagen.

    Vi har møtepunkt i stamkaféen vår, så ein kan slå av ein prat med kvarandre der utover dagen. Her vil ein også finne reiseleiarane til faste tidspunkt både på for- og ettermiddagen. Vi anbefaler elles å nytte seg av dei mange tilboda og aktivitetane om bord, eller nyte livet ved symjebassenget viss vêret tillèt det. Om kvelden møtest vi til middag i avdelinga vår i hovudrestauranten.
    (F, L, M)

  • DAG 13: Fredag 16. juli - Til sjøs

    Etter ein god frukost får vi det første av to foredrag frå Harald Stanghelle denne dagen. Før middag rekk vi det andre. Fellesmiddag på restauranten om bord, der vi har ein eigen seksjon for gruppa vår.

    Før vi legg oss om kvelden, kan det hende at vi skimtar kysten av Island i det fjerne. Det var det same synet som møtte dei islandske oppdagarane som vende heim frå Grønland i norrøn tid.
    (F, L, M)

  • DAG 14: Laurdag 17. juli - Til sjøs

    Reisa nærmar seg slutten, og vi har fått oppleve mektig natur, og kanskje sett noko av det særeigne plante- og dyrelivet på Grønland og Island. Øyane har fantastisk varierte, storslegne landskap noko som kan bli temaet i det siste foredraget til Stanghelle.

    Etter lunsj kan ein slappe av og nytte dei mange fasilitetane om bord. Dersom sola skin denne julidagen, anbefaler vi ein dukkert i symjebassenget. Elles finst det både trimrom og joggeløype (walking track) på skipet, viss ein ønskjer å trene.
    (F, L, M)

  • DAG 15: Søndag 18. juli - Belfast, Nord-Irland

    Skipet seglar inn mot austkysten av Nord-Irland, og vi får auge på to store, gulmåla kraner kalla Samson og Goliath. Desse landemerka er ei påminning om skipsbyggingsindustrien som sette Nord-Irland sin hovudstad på kartet. Vi legg til kai i Belfast.

    Ei utflukt som er verdt å få med seg, er eit besøk på det fantastiske opplevingssenteret Titanic Belfast (mot tillegg i prisen, informasjon om påmelding kjem når turen nærma seg). Det verdskjende skipet vart bygd her i Belfast, og opplevingssenteret med ni etasjar gir oss ei sterk oppleving av skipet og den lagnadstunge overfarten til Amerika. Heile interiøret med salongar og ballsalar er rekonstruerte i full storleik, så her får vi ei kjensle av å vere med på overfarten for over 100 år sidan. Vi går også gjennom dei same portane som passasjerane gjekk gjennom den gongen og får elles sjå mange gjenstandar frå skipet.

    Ein kan også utforske byen på eiga hand, og då kan ein ta ein tur til Donegall-kvartalet, som er eit landemerke i Belfast. Her finn vi mange flotte bygningar i viktoriansk stil. I tillegg er operahuset ein av dei største attraksjonane i byen.

    Vi kjenner alle til konflikten mellom katolikkane/nasjonalistane og protestantane/lojalistane. Det som kjenneteiknar denne konflikten, er at det som i første omgang var ein politisk strid om nasjonalitet, også har sterke religiøse undertonar. For å unngå open strid, vart det oppretta sperringar mellom bydelane der dei to gruppene budde. Vi kan sjå veggmåleria frå denne tida både i katolske Falls Road og protestantiske Shankill Road. Etter at IRA gjekk med på våpenkvile midt på 90-talet, har byen stått fram som eit trygt og spennande reisemål.

    Vi møtest i hovudrestauranten til den siste middagen saman før avreisedagen. Om natta passerer vi Isle of Man som låg under kongen av Norge heilt til 1266, og set kursen mot munninga av Mersey-elva og Liverpool.
    (F, L, M)

  • DAG 16: Måndag 19. juli - Framme i Liverpool og heimreise

    Om morgonen seglar vi roleg inn mot Liverpool. Etter den siste frukosten om bord er vi klare for utsjekking. Bussen vår ventar på oss ved kaien og tek oss til flyplassen i Manchester for heimreisa tilbake til Norge.
    (F)

Kart

AvreisedatoAvreisestadHotellLedige plassarFrå pris
4/7BergenBorealisMeir enn 853 950,-BestillMer informasjon
Les meir om Borealis»
4/7OsloBorealisMeir enn 852 950,-BestillMer informasjon
Les meir om Borealis»
4/7OsloBorealisMeir enn 852 950,-BestillMer informasjon
Les meir om Borealis»
4/7StavangerBorealis853 950,-BestillMer informasjon
Les meir om Borealis»
4/7TrondheimBorealis653 950,-BestillMer informasjon
Les meir om Borealis»
4/7LiverpoolBorealis
Utan fly
Meir enn 849 450,-BestillMer informasjon
Les meir om Borealis»
Source: https://www.fotefartemareiser.no/cruise-til-gronland-og-island-med-harald-stanghelle