Etter frukost tek vi oss tid til å utforske vakre Cochem. Byen er kjend for sine bindingsverkshus, den sjarmerande gamlebyen og dei bratte vinmarkene som omkransar Mosel-dalen. Regionen er særleg kjend for sine elegante Riesling-vinar. Vi skal også innom ein av utsala i byen, før vi returnerer til båten for lunsj.

Etter lunsj seglar vi vidare gjennom det vakre Mosel-landskapet. Ombord held Svein Sandvold foredrag om tyske vinområde og dei viktigaste druetypane vi møter på turen.

Tidleg på kvelden legg vi til i Alken, der det blir tid til ein spasertur i den vesle vinlandsbyen før båten held fram mot Rhinen.
(F, L, M)

Føremiddagen tilbringer vi i Boppard, ein historisk by ved Rhinen med lang vintradisjon. Her kan dei som ønskjer det utforske gamlebyen eller nyte eit glas lokal vin på ein av dei mange uterestaurantane. Denne dagen står besøk hos to vinprodusentar for tur (meir informasjon om produsentane blir publisert seinare). Medan båten seglar vidare, blir vi henta med buss, vi brukar ettermiddagen på tur i dette vakre vinlandskapet. I vakre Rüdesheim mønstrar vi på båten att.  

Her i Rüdesheim skal båten bli liggjande denne ettermiddagen og kvelden, og vi får høve til å besøkje den livlege Drosselgasse med sine mange vinbarer og serveringsstader.

Vi skal ete både felles lunsj og felles middag denne dagen.
(F, L, M)

Denne dagen vaknar vi opp i Mainz, ein av dei eldste byane i Tyskland og sentrum i eit av landets viktigaste vinområde, Rheinhessen. Etter frukost er det sett av til eigne opplevingar i byen, og kanskje ønsker innom på lokale butikkar? Det er lokalisert fleire vinhus i byen eller kanskje freistar det med ein tur på ei «weinstube».

Etter lunsj seglar båten vidare sørover mot Alsace. Før middag oppsummerer Svein Sandvold noko av det vi har opplevd, og held ei avsluttande smaking med utvalde vinar frå områda langs reiseruta.

Denne siste kvelden samlast vi til festmiddag om bord.
(F, L, M)