Utreise frå Gardermoen eller Bergen til Paris. Det er mogeleg med tilknyting frå andre byar. Frå flyplassen i Paris blir vi henta med buss (for dei som har bestilt turen inkludert flyreise) inn til elvebåten, MS Seine Princess, som ligg til kai rett ved Eiffeltårnet. Innsjekk på båten om ettermiddagen.
Under velkomstcocktailen helsar kapteinen på oss, og mannskapet vert presenterte før vi et middag i restauranten. Etter middag kan vi oppleve «Paris by night» – ei stemningsfull oppleving der vi seglar gjennom byen med sine mange lyssette bruer og monument. Deretter held båten vidare fram mot La Roche-Guyon.
Både restauranten og salongen om bord ligg på øvre dekk og har store panoramavindauge. Salongen har bar og dansegolv. Soldekket har både vanlege stolar og liggestolar, og er den ideelle staden å nyte utsikta til landskapet som sakte glir forbi. Det er gratis Wi-Fi om bord.
(M)
Vi seglar gjennom dei vakre slyngene av Seinen og nyt landskapet med kalksteinsklipper og pittoreske landsbyar. Denne føremiddagen får vi første foredraget med Gunnstein Akselberg (tema kjem seinare).
Om ettermiddagen er det høve til å bli med på ei utflukt til Claude Monet sin hage og hus i Giverny (mogleg val mot tillegg i prisen). Claude Monet sin lidenskap både for hagestell og fargar gjorde at han såg på blomehagen sin som eit ekte kunstverk. Vi skal også inn i heimen hans der han budde saman med kone og barn. Framleis kan ein kjenne atmosfæren som ein gong rådde i meisteren sitt hus, og inne i huset vil kunstnaren sin særlege forkjærleik for fargar møte oss, alt frå intensiteten av det blå han valde for kjøkkenet og den vesle stova, til dei gule veggene og møblane i matstova. Elles kan vi beundre fleire av maleria hans og den private samlinga av japanske trykk. På området er det elles ein innhaldsrik museumsbutikk, der ein kan kjøpe bøker om kunstnaren og reproduksjonar av arbeida hans.
Om kvelden seglar vi vidare mot Caudebec-en-Caux, og vi skal nyte ein betre middag i restauranten. Etter middag får vi første mini-konsert med Herborg Kråkevik.
(F, L, M)
Vi startar dagen med frukost om bord på elvebåten. I dag er det blant anna den vesle byen Caudebec-en-Caux som står på agendaen. Caudebec-en-Caux, som tidlegare var ein eigen kommune, er no rekna som ein liten by med mellom 2000 og 3000 innbyggjarar. Her finn du brusteinsgater, elvepromenadar og praktfull gotisk arkitektur. Caudebec-en-Caux har overlevd både vikingtokt, mellomalderkrigar og bombingar under andre verdskrigen. Den storslåtte Église Notre-Dame er byens stoltheit. Kyrkja frå 1400-talet er eit meisterverk i flambojant gotisk stil, med steindekorasjonar og fargerike glasvindauge. Kong Henri IV skal ha kalla ho «det vakraste kapellet i heile riket».
For dei som er interessert i båtbygging, elvar og fiskeri, rår vi til eit besøk på MuséoSeiner, eit museum som tek deg med på ei reise langs Seine-elva frå antikken til vår tid (ikkje inkludert i turpris). Her forklarer dei det facinerande fenomenet tidevassbølgja mascare.
Det blir også foredrag med Gunnstein Akselberg denne dagen (tema kjem seinare). Lunsj som vanleg om bord på elvebåten. Og om kvelden blir det felles middag i restauranten.
(F, L, M)
Om morgonen seglar vi inn mot Honfleur, som ligg like ved munninga av Seinen, der ho flyt ut i Den engelske kanal. På slutten av 1800-talet oppheldt mange kunstnarar seg her, og byen er rekna som vogga til impresjonismen. Den vesle hamna har halde fast på sitt historiske særpreg, som er med på å gjere Honfleur til ein av dei mest besøkte byane i Frankrike i dag.
Lunsj om bord på båten. Denne dagen får vi også andre minikonsert med Herborg Kråkevik.
Denne ettermiddagen kan ein melde seg på busstur med engelsktalande guide til Côte Fleurie med besøk til elegante badebyar som Deauville og Trouville og besøk på Calvados på Château du Breuil (mogleg mal mot tillegg i prisen). Første stopp er Deauville, den mest glamorøse kystbyen og symbol på fransk eleganse og prestisje. Her kan du ta ein fin spasertur langs dei berømte bryggene, som vart bygde i 1923 slik at kvinner kunne nyte sjølve sjøen utan å øydelegge kjolane sine. Bussen køyrer vidare til Breuil-slottet, som ligg i eit frodig, grønt landskap midt i Pays d'Auge. Dette slottet er eit særleg vakkert eksemplar av den arkitektoniske arven til denne regionen i Frankrike. I dag ligg det eit Calvados-brenneri i Breuil-slottet, og vi får lære om produksjonen av drikken og sjølvsagt smake på dei edle dråpane. Retur til båten i Honfleur med buss.
Dei som ikkje er med på utflukta, har god tid til å slappe av om bord og bli kjende med båten, og det er fullt mogeleg å ta ein vandretur for å utforske Honfleur på eiga hand. Tilbake på båten blir det tid til å slappe av på lugarane før vi møtest til felles middag.
(F, L, M)
Denne dagen kan du velje mellom å vere med på ei heildagsutflukt til D-dagstrendene (mogleg val mot tillegg i prisen) eller du kan bli i Honfleur og nytte dagen her.
Under tida vi ligg til kai i Honfleur kan ein bruke dagen på eiga hand, eller ein kan melde seg på ei guida utflukt (mogleg val mot tillegg i prisen). Her ruslar vi gjennom smale gater og pittoreske smau, og får sjå det historiske hamneområdet med dei høge, smale husa. Vi besøker Sainte-Catherine-kyrkja, ei unik trekyrkje med separat klokketårn – ei arkitektonisk perle i fransk samanheng. Tilbake på båten for lunsj. Ettermiddagen kan ein nytte tida med ei god bok om bord på båten eller utforske meir av Honfleur på eiga hand.
For dei som reiser på heildagsutflukt til D-dagstrendene: Dette er ei sterk og historisk oppleving langs kysten av Normandie. Vi besøker sentrale stader frå landgangen 6. juni 1944, som Pointe du Hoc, Omaha Beach, Colleville-sur-Mer med den amerikanske krigskyrkjegarden og Arromanches med 360°-kinoen som viser filmen The 100 Days of the Battle of Normandy. Lunsj undervegs på lokal restaurant.
Før middag blir det nytt foredrag med Gunnstein (tema kjem seinare). Seint på kvelden seglar vi mot Rouen. Ved utløpet av Seinen kryssar vi under den imponerande Normandie-brua. Då ho vart opna i 1995, var ho verdas lengste med eit bruspenn på 2147 meter.
(F, L, M)
Vi vaknar i Rouen, ein by med rik historie og vakker mellomalderarkitektur. Få byar kan vise til ei så spennande historie som denne byen. Dei fleste av vikingane her var nok danskar, og i mellomalderen vart Rouen kalla for Danskebyen.
Du kan velje mellom to utflukter:
Mellomalderens Rouen: Vi ruslar gjennom brusteinslagde gater og besøker Aître Saint-Maclou, eit unikt minne frå pesttida med utskorne galleri og mystisk atmosfære. Turen går vidare gjennom gamlebyen, frå antikvariske kvartal til Rue Saint-Romain, med vakre bindingsverkshus og spor etter byens handelsliv.
Jeanne d’Arc Historial: Eit interaktivt museum i erkebispens palass, der du får oppleve rettssaka mot Jeanne d’Arc gjennom scenografi, projeksjonar og autentiske dokument. Ei gripande og lærerik oppleving om ei av Frankrikes mest ikoniske personlegdomar.
Det er også mogeleg å utforske Rouen på eiga hand denne dagen. Vi kan spesielt tilrå Musée des Beaux-Arts, som har mange kunstverk av kjende europeiske målarar.
Om ettermiddagen seglar vi nedover Seinen mot Paris, gjennom varierte landskap med slott, enger og livlege elvebreidder. Denne dagen blir det ny minikonsert med Herborg Kråkevik i Lounge baren. Om kvelden samlast vi til gallamiddag om bord.
(F, L, M)
Etter ein god frukost om bord i båten, er det tid for utsjekking. Bussane våre køyrer oss frå båten til flyplassen i Paris (for dei som har bestilt turen inkludert flyreise). Flyreise til Oslo og Bergen for dei som bestiller det. Tilknyting til andre byar på førespurnad.
(F)