Wien har ein heilt unik posisjon i europeisk musikkliv og historie, og byen er framleis prega av klassisk musikk meir enn nokon annan storby i verda. Her budde og verka så å seie alle dei største komponistane i Europa, frå 1700-talets Mozart og Beethoven til den revolusjonerande andre wienerskulen med Schönberg i spissen. I dag er nok byen aller mest kjend for den årlege Nyttårskonserten med Wienerfilharmonien, ein festkonsert med musikk av Strauss-familien.
Vel framme i Wien sjekkar vi inn på det flotte firestjerners hotellet vårt. Første kvelden byr på ein musikalsk høgtid (mogeleg val mot tillegg i prisen): Ein stor konsert i den verdskjende Musikverein, kjend for sin blendande akustikk og den gyldne salen. Dette er ei unik og uforgløymeleg opning på vårt musikalske Wien-opphald.
Denne kvelden blir det middag på eiga hand, der ein kan utforske restaurantlivet i Wien i eige tempo eller saman med reiseleiar frå Fotefar.
Bli med på ei stemningsfull vandring gjennom Wiens rike musikkhistorie. Arild Erikstad tek oss med til stader der musikken blei fødd – med innsiktsfulle historier og ei levande formidling som verkeleg løftar opplevingane.
Vi besøker Mozarts eigen heim, der han komponerte nokre av sine største verk. Det blir òg ei lita konsertoppleving i ei av leilegheitene der Mozart budde og skapte musikk frå 1784 til 1787.
Vi samlast til felles middag, og dette er inkludert i programmet.
(F, M)
Theater an der Wien blei opna opp att i fjor haust etter mange års totalrenovering, og vi blir med på ei spennande omvising i dette historiske bygget.
Her har både Beethoven og Strauss sett sine spor. Vi får sjå salane, scena og teateret frå innsida, der musikkhistorie og atmosfære sitt i veggane.
Etter besøket på teateret skal vi nyte ein felles lunsj, medan Arild gir oss ei levande musikalsk introduksjon til kveldens framsyning: Die Fledermaus av Johann Strauss. Dette er ei verdifull førebuing til den store operakvelden.
Strauss’ klassiske operette byr på livsglede, forviklingar og storslegne valsar. Vi får oppleve ein ekte wienarkveld i Theater an der Wien, der operetten blei fødd.
(F, L )
Etter frukost reiser vi fulle av inntrykk tilbake til Oslo.
Vi legg bak oss nokre dagar som har gitt oss store musikalske opplevingar, vakker arkitektur og ei stemning som berre Wien kan by på.
(F)