Bård Ose er ein av Noregs mest røynde musikkformidlarar. Han har jobba med musikk sidan 1979, først i platebutikk, deretter tolv år i avis og heile 27 år i NRK.
I NRK laga han ei rekkje elska radioprogram. Saman med Finn Tokvam leia han laurdagsprogrammet P.I.L.S. i 22 år og over 1100 sendingar, og seinare hadde han dei faste programma Ren 60, Ose og Gammelnorsk. Han var òg ein nøkkelperson bak store maratonsendingar som «70-tallet minutt for minutt» og «80-tallet minutt for minutt».
Sidan 1993 har han gitt ut fleire bøker om musikk, mellom anna om The Beatles, The Rolling Stones, Vinskvetten og pop- og rockmiljøet i Bergen, og han var skrivande medredaktør for det store verket Norsk pop og rock-leksikon.
No har han lagt bak seg tida i NRK for å satse på livet som forfattar og foredragshaldar. Få kan ta deg tettare på historiene bak musikken enn Bård Ose.
