Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Laurdag 4. februar - Avreise til Gran Canaria og fjellbyen Tejeda

    Avreise med direktefly både frå Oslo og frå Bergen om føremiddagen. Tilknyting frå andre byar på førespurnad ved bestilling.

    Vel framme på flyplassen ved Las Palmas om ettermiddagen, tek vi bussen oss opp til den pittoreske fjellandsbyen Tejeda, som ligg  1050 moh mellom bratte kløfter og fantastisk spektakulær natur. Tejeda er omringa av 1000 m høge klipper og er kåra til ein av dei vakraste landsbyane i Spania. Der skal vi bu i tre netter på flotte Parador de Cruz de Tejeda, eit 4- stjerners hotell med symjebasseng, spa, treningssenter og to restaurantar. Hotellet  ligg høgt og fint til i eit frodig område med fantastisk panoramautsikt.  Vi besøkjer byen i den finaste tida på året når mandeltrea er i full bløming. Det er også mykje liv og røre desse dagane då byen arrangerer ein blomsterfestival.

    Etter innsjekkinga og litt avslapping blir det velkomstmiddag på hotellet.
    (M)

  • Dag 2: Søndag 5. februar - Cruz de Tejeda – Artenara

    Etter ein god frukost startar vi dagen med eit informasjonsmøte på hotellet. Vi fortel om turopplegget  og orienterer om kva vi kan sjå fram til dei neste dagane.

    Den første vandreturen tek utgangspunkt i Cruz de Tejeda og går til landsbyen Artenara. Dette er ei strekning på 8,4 km, tek om lag 5 timar med gode kvilepausar og er moderat tung.  Det er stigning på 408 meter og 670 meter nedover. Vi går oppover gjennom furuskog til kanten av vulkankrateret Caldera de Tejeda og får eit spektakulært utsyn over det fantastiske landskapet. Det er skildra av den kjende forfattaren Unamuno som «Petrified Storm» eller på norsk, «forsteina storm», alt dette på grunn av dei spesielle formene på fjella, kløftene, monolittane og kraterkantane. Vi går langs kanten av krateret, og det er ei noko bratt skråning på utsida av stien. Deltakarar med høgdeskrekk går lengst frå kanten, så det er ikkje noko problem.

    Vel framme i Artenara kan vi kjøpe forfriskingar på ein koseleg kafé. Buss tilbake til hotellet, og middag der om kvelden.
    (F, M)

  • Dag 3: Måndag 6. februar - Pico de Las Nieves – Degollada de Cruz Grande

    Denne morgonen tek bussen oss frå hotellet oppover i dei vakre dalføra til Pico de Las Nieves, den høgste fjelltoppen (1949 m.o.h.) og det geografiske senteret på øya. På vegen opnar ei fantastisk panoramautsikt seg til Caldera de Tejeda. Vi får også med oss ei slåande utsikt til vulkanfjella Roque Nublo og Roque Bentayga og dei sjarmerande gamle landsbyane Tejeda og Artenara.  Bussturen opp til Pico de Las Nieves tek om lag ein time.

    På turen vandrar vi på «The Silver Path», ein steinsett sti som går frå den vakre furuskogen Los Llanos de La Pez til San Bartolome de Tirajana. Turen endar opp i Degollada de Cruz Grande. Dette er rekna som «turen over alle turar» på øya, og her får vi verkeleg sjå det autentiske Gran Canaria! Heile turen er på 8,5 km, og vi reknar ca. 4-5 timar vandring. Vi skal ned 763 meter og berre 94 meter opp. Turen er litt krevjande med noko nedstigning, men vegen og stiane er svært gode, spesielt siste delen som slyngjer seg nedover på same måte som den kjende Vindhellavegen i Lærdal i Sogn.

    Om ettermiddagen køyrer bussen oss tilbake til hotellet vårt i Tejeda. Om kvelden møtest vi til middag på hotellet.
    (F, M)

  • Dag 4: Tysdag 7. februar - Tysdag 7. februar - Cruz de Tejeda – Las Lagunetas

    Etter frukost sjekkar vi ut frå hotellet og set bagasjen vår i eit eige rom på hotellet, medan vi er på vandreturen vår. Denne dagen skal vi følgje ein fin sti som tek oss frå Cruz de Tejeda, via ein historisk ravine, til den vakre landsbyen Las Lagunetas.

    Vi startar med å vandre noko mot sør. Her får vi ei fantastisk utsikt mot Tenerife, Rogue Nublo og Roque Bentaiga i tillegg til andre kjende fjellformasjonar. Etter om lag ein times vandring, endrar vi kursen i austleg lei og går gjennom den frodige ravinen Barranco de La Mina (Gruveravinen).

    Denne ravinen har fått namnet sitt frå dei mange vassmagasina som vart gravne fram på bestilling frå det kastiljanske kongehuset for meir enn 500 år sidan. Magasina vart gravne ut av bergsidene med hjelp av berre hakker og spadar. Dette var eit av dei første store ingeniørarbeida på øya, og det vart gjort for å leie ferskvatn ned til byen Las Palmas, som då var under oppbygging. Hadde ein ikkje løyst problemet med å forsyne denne delen av øya med vatn, hadde ein vorte tvinga til å byggje hovudstaden ein annan stad på øya.

    Sidan det er så god tilgang på vatn i området, er det ei imponerande blomsterprakt her oppe året rundt, og vi får sjå mandeltre i full bløming. Vandreturen denne dagen er ca. 8 km lang og med ein høgdeforskjell på ca. +200 m opp og -500 meter ned.

    Til slutt stoppar vi ved ein kafé og får oss forfriskingar før vi går tilbake til hotellet. Bussen køyrer oss så til byen Agaete, der vi tek inn på det herlege hotellet Roca Negra med 4 stjerner. Det har eit stort symjebasseng, spa-avdeling og ligg nydeleg til med utsikt over Atlanterhavet.

    Fellesmiddag på hotellet.
    (F, M)

  • Dag 5: Onsdag 8. februar - Dette er fridagen vår!

    Denne dagen har vi fri og kan slappe av på hotellet og nyte spa-delen og symjebassenget der. Elles kan vi vandre i den koselege småbyen Agaete og kikke på folkelivet. Kanskje du har lyst å handle litt? Det er også gode turstiar langs Atlanterhavet, så om ein vil, kan ein få rikeleg med trim denne dagen og.

    Lunsj på eiga hand i byen. Vi foreslår at vi møtest til lunsj på den svært koseleg restauranten El Capita, som er spesialist på sjømat.

    Om kvelden er det middag på hotellet.
    (F, M)

  • Dag 6: Torsdag 9. februar - San Pedro (Agaete dalen)

    Denne morgonen tek bussen oss til landsbyen San Pedro. Vi startar turen relativt flatt, så blir det ein del stigning, men vi går i roleg tempo med fleire kvilepausar. Etter kvart får vi dei første glimta av sjøen som ligg nedanfor. Vi opplever det imponerande synet av Roque Faneque, den høgaste sjøklippa i Europa og den 7. høgste i verda! Denne vandreturen går så nedover langs stiar som kryssar eit vakkert landskap, lune fureskogar og til slutt slyngjer seg nedover ein fjellrygg til Agaete.

    Turen er moderat tung, og vi vandrar ca. 8 km med 500 meter i høgde oppover og 700 nedover. Vi går heilt tilbake til hotellet, og på vegen stoppar vi for ei god forfrisking.

    Fellesmiddag på hotellet om kvelden.
    (F, M)

    Turen er moderat tung, og vi vandrar ca. 8 km med 500 meter i høgde oppover og 700 nedover. Vi går heilt tilbake til hotellet og på vegen stoppar vi for ei god forfrisking.

    Fellesmiddag på hotellet om kvelden.
    (F, M)

  • Dag 7: Fredag 10. februar - Fagagesto – El Sao – El Hornillo – San Pedro

    Etter frukost blir det avreise frå hotellet med buss til Fagagesto, som tek ca. ein time. Vandreturen startar frå Fagagesto og går ned ein spektakulær ravine til den vesle bygda El Sao. På vegen passerer vi ei kjend gamal mølle og ei vulkanboble og endar opp i grottelandsbyen El Hornillo. Etter å ha utforska denne heilt spesielle byen, der bustadene er gravne ut av det vulkanske fjellet, går vi vidare til vakre San Pedro, ein landsby midt i hjartet av Agaete-dalen. Her besøkjer vi Los Berrazales vinkjellar og smakar på den gode lokale vinen, den kjende geitosten og får ein kaffikopp av kaffibønner som er produserte der. Turen denne dagen er på 4,5 timar fordelt på 8,5 km i relativt lett terreng, men med ein del bratte parti nedover. Det er 200 meter stigning og 600 meter nedover.

    Om kvelden blir det avslutningsmiddag på hotellet.
    (F, M)

    Om kvelden blir det avslutningsmiddag på hotellet.
    (F, M)

  • Dag 8: Laurdag 11. februar - Heimreise

    Etter frukost denne siste dagen køyrer  bussen oss til Las Palmas, hovudstaden på Gran Canaria, som ligg ca. 40 min. med buss frå Agaete. Der legg vi opp til litt guiding og disponerer elles tida sjølve med å rusle rundt i gamlebyen eller gå på shopping. Det er også tid for lunsj på ein av dei mange uterestaurantane.

    Det er kort veg frå byen til flyplassen. Avreise med bussen frå Las Palmas ut på dagen og deretter direktefly  både til Oslo og Bergen, og eventuelt til andre byar på førespurnad.
    (F)