29. oktober - 02. november 2026.
Bli med til Istanbul, byen der aust møter vest, og der historia ligg lag på lag rundt oss. På denne reisa følgjer vi i spora etter Harald Hardråde, vikingkongen som tente som leigesoldat i keisarens livgarde i Konstantinopel. Gjennom forelesingar og møte med byen slik han er i dag, kjem vi tett på den dramatiske og fascinerande historia.
Med historikar Tore Skeie som formidlar, får vi eit unikt innblikk i ei av dei mest spennande epokane i norsk og europeisk historie, der trådane strekkjer seg heilt fram til vår eiga tid. Boka hans, Hardråde - om Harald Sigurdsson og hans verden har hausta gode kritikkar og begeistra mange lesarar.
Vi får også oppleve dagens Istanbul, ein pulserande storby full av lydar, lukter og smakar, der tradisjon og moderne byliv møtest. Mellom basarar, moskear, kaffihus og travle gater opplever vi ein by som framleis er eit knutepunkt mellom ulike kontinent og kulturar. Vi let oss lokke av krydderdufter, fersk bakst, tyrkisk te og smårettar frå det rike kjøkenet, og tek oss tid til marknadene der folkelivet gir oss eit levande innblikk i Istanbul slik byen er i dag.
.jpeg)
.jpeg)
