Velkommen til Fotefar temareiser

Vi har spesialisert oss på temareiser der historie- og kulturopplevingar står sentralt, og vi legg stor vekt på trivsel og sosialt fellesskap på turane våre. Saman med oss får du reise med dyktige fagguidar som blant anna Hans-Wilhelm Steinfeld, Eva Bratholm, Joar Hoel Larsen, Torgrim Titlestad, Edvard Hoem og Sylfest Lomheim. I tillegg har vi med flinke reiseleiarar som har god kunnskap om reisemålet.

Velkommen med på tur!

Cruise rundt dei britiske øyar med Hans Olav Lahlum

18. - 29. juli 2023. Orknøyane - Hebridane - Nord-Irland – Irland - Isles of Scilly - Guernsey - Le Havre.

Saman med Hans Olav Lahlum seglar vi frå Tilbury ved London. Derifrå går ferda til Kirkwall på Orknøyane, vidare til Stornoway på Ytre Hebridane og til Tobermory på Indre Hebridane. Skipet set så kurs vestover til Belfast i Nord-Irland før turen går vidare til Cork i Irland. Neste stopp er Scilly-øyane som få nordmenn har besøkt. Deretter seglar vi inn i den engelske kanalen til øya Guernsey før vi kjem fram til Le Havre på den franske kysten.

12 dagar Frå 32 950,- Les meir

Elvecruise på Seinen med Sylfest Lomheim

5. - 11. oktober 2023. Paris - Melun - Fontainebleau - Giverny - Rouen - Honfleur.

Eksepsjonelt båtcruise på Seinen, den lengste elva i Frankrike. Cruiset startar i Paris og går sørover til byen Melun før vi seglar elva til enden ved den idylliske byen Honfleur ved Côte Fleurie. Her opplev vi Fontainebleau-slottet, pittoreske Giverny, historiske Rouen, idylliske Honfleur. Dette blir ei unik oppleving med foredrag om bord på båten om føremiddagen og underhaldande kåseri frå Sylfest etter middag.

7 dagar Frå 19 950,- Les meir

Cruise rundt dei britiske øyar med Eva Bratholm og Joar Hoel Larsen

4. - 16. september 2023. England - Frankrike - Skottland - Hebridane - Nord-Irland – England.

Velkommen med på det store cruiset rundt dei britiske øyane. Frå Bristol går ferda til Falmouth i Cornwall, vidare til Honfleur i Normandie, og så nordover til Newcastle. Skipet set så kurs vidare til Scrabster i Skottland før turen går til Portree og Tobermory på Hebridane. Deretter tek skipet oss til Belfast. Journalistekteparet Eva Bratholm og Joar Hoel Larsen vil halde spennande foredrag og lose oss gjennom flotte dagar om bord.

13 dagar Frå 32 950,- Les meir

Opera i Napoli med Didrik Solli-Tangen

18. - 22. september 2023. Bli med Fotefar og Didrik Solli-Tangen på ein unik tur til vakre og historiske Napoli, der vi får oppleve den verdskjende operaen Madame Butterfly i ærverdige Teatro di San Carlo, som vart bygd i 1737. Napoli er ein pulserande storbyen på full fart opp som ein svært viktig turiststad i Italia. Sentrum i byen er som eit levande museum med palass, kyrkjer, kloster og museum og har om lag 1 million innbyggjarar.

5 dagar Frå 24 950,- Les meir

Hebridane med Dag Lindebjerg

17. - 24. juli 2023. Bli med Dag Lindebjerg til idylliske og interessante Hebridane, utanfor allfarveg. På turen skal vi gjere oss kjende med Isle of Skye på Indre Hebridane, og med Ytre Hebridane, øyriket som tidlegare høyrde til Norge, men som no lenge har vore ein del av Skottland. Vi skal vitje fleire av øyane, lære om historie, og få oppleve den spesielle kulturen til dei gjestfrie folka. Han vil med sin fengjande forteljarkunst dele kunnskapane sine om 6000 års historie, og kvardagslivet i dag på øyane.

8 dagar Frå 35 750,- Les meir

Eventyrlege Island med Gunnstein Akselberg

24. - 29. august 2023. Bli med oss til Island, og sjå fleire av dei store attraksjonane på denne eksotiske øya. Vi bur i Reykjavik og blir kjende med denne moderne byen som blir rekna som verdas minste metropol. På turen opplever vi den ville og vakre naturen på sagaøya, men også store og velstelte gardar. Det er òg ei stor oppleving å bade i dei varme kjeldene i populære Blå Lagune. Vi er så heldige å ha med oss den kjende språkmannen Akselberg som guide på heile turen.

6 dagar Frå 22 950,- Les meir

Georgia med Hans-Wilhelm Steinfeld

28. august - 5. september 2023. Bli med Hans-Wilhelm Steinfeld til eitt av verdas vakraste land med frodige dalar, imponerande fjell, karakteristiske steppelandskap og nokre av dei eldste vinmarkene i verda. Georgia er både eksotisk og på ein måte også velkjend med si blanding av asiatisk og europeisk kultur. Vi besøkjer pittoreske landsbyar, Stalin sin heimby Gori og den vakre, historiske hovudstaden Tbilisi, der både Hamsun og Nansen har late etter seg spor.

9 dagar Frå 36 950,- Les meir

Musikktur til Irland

30. august - 3. september 2023. Velkommen med på ein tur full av musikk og musikkhistorie – frå irsk tradisjonsmusikk til rock og pop. Vi startar kvar dag med Bård Ose sine kåseri på hotellet, der han fortel historier og anekdotar om Thin Lizzy, Van Morrison, Rory Gallagher og U2 og andre irske musikarar. Vi besøkjer sjølvsagt det berømte området Temple Bar. Det blir pub til pub-runde med den beste irske tradisjonsmusikken og besøk på Irish Rock ‘N’ Roll Museum.

5 dagar Frå 21 950,- Les meir

Reisekalender

3/6	Foredrag med Sylfest Lomheim på Kviknes Hotel	Frå 180,-
19/6	Med Edvard Hoem til hans litterære rike i Romsdal	Frå 16 950,-
29/6	Cruise i Vesterled med Gunnstein Akselberg og Torgrim Titlestad	Frå 27 950,-
29/6	Cruise i Vesterled med Gunnstein Akselberg og Torgrim Titlestad	Frå 27 950,-
29/6	Cruise i Vesterled med Gunnstein Akselberg og Torgrim Titlestad	Frå 27 950,-