Vi har heile dagen i hamn. Her er det mogeleg å melde seg på utflukter med cruiseselskapet eller Fotefar (mot tillegg i prisen).
For dei som vil helde fram med musikktemaet, har vi ei utflukt som går til dei viktigaste stadane i Dublin (mot tillegg i pris). Vi startar med ein kort busstur gjennom byen, der vi blir kjende med både den stolte historia og den moderne no-tida. Vi ser hovudgata O’Connell Street, det imponerande monumentet Spire of Dublin og det historiske GPO-postkontoret – ein sentral stad under kampen for irsk sjølvstende og påskeopprøret i 1916.
Neste stopp er dei legendariske Windmill Lane Recording Studios, først kjent for innspeling av irsk tradisjonsmusikk. Etter kvart har verdsstjerner som Van Morrison, Sinéad O’Connor, Elvis Costello, The Rolling Stones, The Cranberries, Metallica, Status Quo, Kate Bush, Clannad og ikkje minst U2 spelt inn plater her. På omvisinga får vi sjå spennande teknologi og høyre engasjerande forteljingar om korleis ikoniske album har blitt til.
Lunsjen nyt vi på The Old Storehouse, ein sjarmerande pub midt i Temple Bar. Her får vi servert tradisjonelle irske rettar i autentiske omgjevnader – ein ekte smak av Irland.
Etterpå ventar eit besøk til Irish Rock’n’Roll Museum, også det i hjartet av Temple Bar. Museet tek oss med bak kulissane til den irske musikkscena gjennom dei siste 50 åra. Vi får sjå utstillingar om band som U2, Thin Lizzy og The Pogues, og besøker Button Factory – ein ekte konsertscene med studio der artistar som Rihanna og The Script har spelt inn låtar. Her får vi også høyre korleis den irske tradisjonsmusikken har påverka band som The Chieftains, The Waterboys, Clannad, Enya og Gary Moore, og korleis irsk rock har hatt enorm suksess verda over med namn som Van Morrison, Rory Gallagher og U2.
Dersom ein vil oppleve Dublin på eiga hand, kan ein shoppe eller slappe av med ein kopp kaffi eller ein Guinness på irsk pub. Vi tilrår bland anna eit besøk på det verdskjende Guinness-bryggeriet. Sjølv om det er mange turistar innom portane der, er det likevel ei oppleving.
(F, L, M)
