Skip to main content
Heim » Turar 2026 » Elvecruise på Rhinen og Mosel med Sylfest Lomheim og Rasmus Sunde

Elvecruise på Rhinen og Mosel med Sylfest Lomheim og Rasmus Sunde

27. september – 1./2. oktober 2026.

Velkommen med på eit hyggeleg elvecruise på to av dei vakraste elvane i Europa – Rhinen og Mosel, og til to land – Frankrike og Tyskland. Cruiset startar i idylliske Cochem ved Mosel-elva i Tyskland og går så til Alken, Koblenz, vinbyen Boppard og til livlege Rüdesheim am Rhein. Deretter tek elvebåten oss på Rhinen via tyske Mainz til vakre, historiske Strasbourg i Frankrike.

Professor Sylfest Lomheim og historikar Rasmus Sunde er med på heile turen og auser av sine store kunnskapar om tysk og fransk kultur, språk, politikk og historie. Sidan vi går i land kvar dag, vert det gode høve til å komme tett på byliv, landskap og folkeliv.

På elvecruiset vårt bur vi svært godt på MS Monet (4 stjerner), ein fin elvebåt med 78 lugarar som alle er utvendige. Lugarane har også bad med dusj, hårtørkar, TV, safe og aircondition. Måltid og drikke om bord er inkludert.

Eit elvecruise på Rhinen og Mosel er ei reise i sakte tempo, der du får oppleve dette vakre området frå ein ny vinkel. Du kan lene deg tilbake på dekk, nyte landskapet som glir forbi, og gå i land for å utforske småbyar og storbyar fulle av historie, kultur og folkeliv. Vi har heile båten for oss sjølve, noko som gjer at vi blir ein samansveisa gjeng på desse dagane saman.

[ Lukk ]
Søk

Bildegalleri

Om båten

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Søndag 27. september – Frå Norge til Cochem i Tyskland

    Fly frå Oslo, Bergen, Stavanger og Trondheim til Frankfurt. Det er mogeleg med tilknyting frå andre byar. Buss frå Frankfurt til Cochem ved Mosel-elva (for dei som har bestilt turen inkludert flyreise), der vi får tildelt lugarane våre om bord på elvebåten, MS Monet. Under velkomstcocktailen blir vi litt betre kjende og blir presenterte for kapteinen og mannskapet, og etter middag samlast vi i loungen for velkomstmøte og dei første kåseria frå Sylfest Lomheim og Rasmus Sunde.

    Både restauranten og salongen om bord ligg på øvre dekk og har store panoramavindauge. Salongen har bar og dansegolv. Soldekket har både vanlege stolar og liggestolar, og er den ideelle staden å nyte utsikta over landskapet som sakte glir forbi. Det er også gratis Wi-Fi om bord.
    (M)

    Søndag 27. september – Frå Norge til Cochem i Tyskland

  • Dag 2: Måndag 28. september – Cochem - Alken – Koblenz

    Vesle Cochem med berre fem tusen innbyggjarar ligg nydeleg til ved Mosel-elva og blir rekna som ein av dei vakraste landsbyane i Tyskland. Etter frukost har vi god tid til i sentrum som er kjent for sine smale, svingete gater og sjarmerande bindingsverkshus med skifer­tak. Slottet over byen ligg nydeleg til med vinmarker rundt, og er også vel verd eit besøk.

    Etter lunsj får vi dagens kåseri av Sylfest og Rasmus før vi fortset ferda vår på elva Mosel mot Alken. Undervegs passerer vi sjarmerande landsbyar, vinmarker og det som ser ut som eit slott på kvar topp. Vi legg til i Alken tidleg om kvelden, og her kan ein velje om ein vil utforske den vesle landsbyen sjølv eller vere med på ein guida tur arrangert av rederiet (mogeleg val mot tillegg i prisen) opp til det kjende Thurant-slottet med flott utsikt over Mosel-elva. Denne natta forlet vi Mosel og seglar inn på Rhinen ved byen, Koblenz.
    (F, L, M)

    Måndag 28. september – Cochem - Alken – Koblenz

  • Dag 3: Tysdag 29. september – Boppard, Lorelei-klippa og Rüdesheim

    Etter frukost er vi klare til å utforske Boppard. Byen med sine 15 000 innbyggjarar er ein god del større enn Cochem, så her er det fleire butikka, kafear og restaurantar. Ein av hovudattraksjonane i byen er det romerske fortet som ligg midt i sentrum. Det blir rekna som det beste eksempelet på eit romersk kastell i Tyskland, og ligg utandørs, tilgjengeleg for alle. Etter nokre timar i denne historiske byen mønstrar vi på båten igjen som tek oss sørover Rhinen mot den kjende Lorelei-klippa.

    Etter lunsj blir det eit nye kåseri av Rasmus Sunde og Sylfest Lomheim. Resten av ettermiddagen sig vi sakte gjennom den vakre og romantiske Rhindalen. Vi seglar forbi majestetiske slott, historiske landskap, kjende vinmarker og den myteomspunne Lorelei-klippa. Ifølgje ei soge frå mellomalderen sat den vakre Lorelei på klippa og song så vakkert at skipperane på elvebåtane vart dregne mot dei farlege straumane og forliste. I den tyske romantikken tidleg på 1800-talet vart denne soga inspirasjon for både målarar og forfattarar.

    Om kvelden kjem vi fram til livlege Rüdesheim. Her finn ein spor etter vindyrking heilt tilbake til folkevandringstida, og vinmaking er saman med turisme den største næringa i byen. Vi anbefaler å ta ein tur saman med reiseleiarane til den sjarmerande gata, Drosselgasse, med sine mange kaféar og barar denne kvelden.

    Rett over Rhinen frå Rüdesheim ligg Bingen am Rhein, der Hildegard frå Bingen (1098-1179) kom frå. Ho blir av mange rekna som den viktigaste kvinna i mellomalderen, og ho var både forfattar, lege, filosof og komponist. Musikken hennar er blant verdas mest spelte av det som er komponert i mellomalderen.

    Avreise mot Mainz om kvelden. Undervegs passerer vi sjarmerande landsbyar, vinmarker, vakre slott og borger. Vi legg til i Mainz, den største byen i delstaten Rheinland-Pfalz, i løpet av natta.
    (F, L, M)

    Tysdag 29. september – Boppard, Lorelei-klippa og Rüdesheim

  • Dag 4: Onsdag 30. september - Mainz

    Mainz er ein av dei eldste byane i Tyskland og er på størrelse med Bergen. Her møtest Rhinen og sideelva Main. Byen vart grunnlagd av romarane i år 13 f.Kr., og var hovudstaden i den romerske provinsen Germania Superior.

    Den mest kjende borgaren av Mainz var Johannes Gutenberg som fann opp boktrykkarkunsten og trykte den berømte 42-linjers bibelen sin på latin i Mainz i 1455. Eit besøk på det gode Gutenberg-museet er verkeleg å anbefale, og vi kjem sannsynlegvis til å ordne gruppebillettar dit i god tid før avreise. Meir info om dette kjem seinare. Museet er eit av verdas eldste (1900), og ein kan sjå eksempel på dei første trykte biblane, og andre publikasjonar, i tillegg til utstyr som vart brukt i trykkeprosessen.

    Napoleon var glad i Mainz, og etter den franske overtakinga av byen tok han den med på lista si over dei 36 viktigaste byane i Frankrike. Paradegata "Grande Rue Napoléon" vart bygd,  og den eksisterer framleis, men heiter no "Ludwigsstraße". Elles er spora etter fransketida mindre her enn i grensebyen, Strasbourg.

    Mainz er ein triveleg by med mange hyggelege kafear og restaurantar, og vi får god tid til å vandre rundt i gamlebyen, der vi kan anbefale torget ved St. Martin-katerdralen. Spesielt når det er marknadsdagar, er det eit yrande liv her.

    Før middag får vi dagens kåseri av Sylfest Lomheim og Rasmus Sunde før vi fortset ferda vår på Rhinen mot Strasbourg. Denne siste kvelden saman er det galla-kveld om bord, og vi får servert ein flott 4-rettars middag.
    (F, L, M)

    Onsdag 30. september - Mainz

  • Dag 5: Torsdag 1. oktober – Strasbourg

    Etter ein god frukost får vi litt tid i Strasbourg før dei som har bestilt turen utan ekstra dag, tek bussen til flyplassen.

    Alsace er ein smeltedigel av fransk og tysk kultur, og området har veksla mellom å ligge under dei to landa. Dei som vel å bli ein ekstra dag i Strasbourg, kan følgje med reiseleiarane inn til bysentrum.. Her er det lett å finne seg eit fortausbord og nyte livet med noko godt i glaset – gjerne med kaka Kugelhopf til, laga av brioche, og ofte med kirsebær eller mandlar. Tradisjonsmaten er i det heile påverka av tyske rettar, som Strasbourg sin eigen versjon av sauerkraut - choucroute garnie.

    Vi vil også anbefale å ta turen for å sjå dei imponerande moderne bygningane som husar Europaparlamentet, Europa-rådet og Den europeiske menneskerettsdomstolen, samt fleire andre institusjonar. På mange måtar er Strasbourg Europas hovudstad.

    Om kvelden kan dei som vil, bli med reiseleiarane til middag på hotellet eller ein koseleg restaurant i nærleiken.
    (F)

    Torsdag 1. oktober – Strasbourg

  • Dag 6: Fredag 2. oktober – Strasbourg for dei som blir ein ekstra dag

    Etter frukost på hotellet er vi (dei som har bestilt ein ekstra dag) klare for ein tur til gamlebyen "La Petite France"  før bussen tek oss til flyplassen.

    Gamlebyen er som henta frå eit eventyr, med kanalar, blomstrande balkongar og bindingsverkshus. Her finn ein også fleire praktbygg frå mellomalderen, som den imponerande gotiske Cathédrale de Notre-Dame (påbegynt i 1015), med fargerike glasmåleri, eit verdskjend astronomisk klokkeverk og eit tårn som når 142 meter over bakken. Her heldt det tidlegare til fiskarar, garvarar og møllarar, omkransa av gamle alsaciske renessansehus, og området er no Unesco-lista. I nærleiken ligg òg Musée d'Art Moderne et Contemporain, med kunst frå 1860-åra og framover.

    Buss til flyplassen i Frankfurt og fly heim igjen til Stavanger, Trondheim, Bergen og Oslo. Tilknyting til andre byar på førespurnad.
    (F)

    Fredag 2. oktober – Strasbourg for dei som blir ein ekstra dag

AvreisedatoAvreisestadHotellLedige plassarFrå pris
27/9BergenMS MonetMeir enn 824 950,-BestillMer informasjon
Les meir om MS Monet»
27/9BergenMS Monet
(Ekstra dag)
Meir enn 828 200,-BestillMer informasjon
Les meir om MS Monet»
27/9OsloMS MonetMeir enn 823 950,-BestillMer informasjon
Les meir om MS Monet»
27/9OsloMS Monet
(Ekstra dag)
Meir enn 827 200,-BestillMer informasjon
Les meir om MS Monet»
27/9StavangerMS MonetMeir enn 824 950,-BestillMer informasjon
Les meir om MS Monet»
27/9StavangerMS Monet
(Ekstra dag)
Meir enn 828 200,-BestillMer informasjon
Les meir om MS Monet»
27/9TrondheimMS MonetMeir enn 824 950,-BestillMer informasjon
Les meir om MS Monet»
27/9TrondheimMS Monet
(Ekstra dag)
Meir enn 828 200,-BestillMer informasjon
Les meir om MS Monet»
27/9CochemMS MonetMeir enn 821 350,-BestillMer informasjon
Les meir om MS Monet»
27/9CochemMS Monet
(Utan fly, ekstra dag)
Meir enn 824 600,-BestillMer informasjon
Les meir om MS Monet»
Reisekalender
30/6Hebridane med Kirsti MacDonald JaregFrå 38 950,-
30/6Hebridane med Kirsti MacDonald JaregFrå 41 950,-
30/6Hebridane med Kirsti MacDonald JaregFrå 41 550,-
30/6Hebridane med Kirsti MacDonald JaregFrå 36 480,-
4/7Cruise til Færøyane, Orknøyane og rundt Island med Øystein MortenFrå 38 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize