Yngvil byrja som byguide i heimbyen Tromsø då ho var 16 år, og ho elskar å yte god service. Ho snakkar spansk, fransk, tysk og engelsk, og arbeider som natur- og kulturformidlar for Hurtigruten Group. I tillegg har ho i ei årrekkje undervist i spansk og psykologi i vidaregåande skule, vore dagleg leiar i Bodø kunstforeining og arbeidd som journalist. I reisesamanheng set ho pris på gode og autentiske møte med menneske som gjev innsikt i området ein vitjar. Dans og musikk – til dømes ei god fado-oppleving i Portugal – står hjartet hennar spesielt nær.
