Skip to main content
Heim » Turar 2027 » Donau med Linda Eide og Sjur Hjeltnes

Donau med Linda Eide og Sjur Hjeltnes

19. - 24. juni 2027.

Passau - Melk - Wien - Esztergom - Budapest.

Vi er glade for å kunne invitere til eit heilt spesielt elvecruise på vakre Donau med tre kveldar med språk og musikk frå Linda Eide og Sjur Hjeltnes undervegs. Elvebåten tek oss med til seks byar og fire land – Tyskland, Austerrike, Slovakia og Ungarn. Vi startar i Passau i Tyskland og går så til Melk og Wien i Austerrike. Deretter seglar vi vidare til Esztergom og Budapest i Ungarn. På vegen får vi oppleve det storslegne Schönbrunn-palasset og den vakre Wachau-dalen som er på UNESCO si verdsarvsliste. Vi får også sjå skogkledde åsar, frukthagar, småe landsbyar, vinmarker og kloster, langs Donau. Høgdepunkta blir likevel kanskje dei to gamle kulturbyane og hovudstadene, Wien og Budapest. Desse byane har så mykje å tilby av både historie, politikk, kunst, musikk, arkitektur og religion, og dei har i stor grad forma vår felles kulturhistorie. Vi har heile båten berre for Fotefar,  så dette blir ei veldig kjekk oppleving for alle oss som saknar Linda Eide og Sjur Hjeltnes frå TV-skjermen.

Linda Eide er journalist og programskapar og har vunne mange prisar for arbeidet sitt, blant anna Gullruten to gonger. Frå 2017 til 2023 var ho programleiar for Eides Språksjov på NRK.

Sjur Hjeltnes er komponist, pianist og komikar, har også vært fast innslag som organist og i Eides språksjov.

På elvecruiset vårt bur vi svært godt på MS France (4 stjerner), ein hyggeleg elvebåt med 77 lugarar som alle er utvendige. Lugarane har også bad med dusj, hårtørkar, TV, safe og aircondition. Alle måltida om bord med drikke er inkluderte. Vi har heile båten berre for Fotefar, så dette blir verkeleg ei unik kulturell og musikalsk oppleving på mektige Donau.

 

 

[ Lukk ]
Søk

Bildegalleri

Viktig informasjon

  • Når ein er om bord på ein båt, må ein forvente noko motorstøy.
  • I nokre hamner vil ein måtte gå gjennom nokre andre skip for å komme til land. Dette går nokre gonger føre seg opp/ned via soldekk.
  • Landgangar kan vere noko bratte. 
  • Uventa endringar i vasstanden eller andre uforutsette hendingar kan skje. Skulle dette oppstå, reserverer reiarlaget seg retten til å endre seglingsrute, tider og program. Det blir ikkje gitt refusjon for slike endringar i programmet.
  • Utfluktene merka med “mogeleg val” er arrangerte av elvebåten og har guiding på engelsk.
  • Dersom du har rørslehemmingar, avklar med oss om denne turen er egna for deg.

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Laurdag 19. juni - Passau

    Fly frå Norge om morgon/føremiddag (tider kjem) til Munchen. Buss til Passau i Tyskland (for dei som har bestilt turen inkludert flyreise), der vi blir ønska velkomne om bord på skipet. Vi får tid til å finne oss godt til rette i lugarane, før kapteinen introduserer mannskapet med ein velkomstcocktail, og eit kort velkomstmøte. Etterpå blir det middag og båten lettar så anker og set kursen mot den vakre regionen Engelhartszell rett over grensa til Austerrike.
    (M)

  • Dag 2: Søndag 20. juni - Melk - Dürnstein - Wien

    Når vi vaknar neste morgon, er vi framme i byen Melk i Austerrike. Den vesle byen med berre 5000 innbyggarar ligg der elva med same namn renn ut i Donau. Etter ein god frukost er det mogeleg å bli med på ei valfri utflukt der ein besøker Melk-klosteret (mot tillegg i prisen), eller ein kan oppleve denne vakre byen på eiga hand. Vi vender tilbake til skipet på føremiddagen og nyt lunsjen medan vi dreg vidare til Dürnstein. Her vert det ein kortare stopp der vi kan utforske denne pittoreske landsbyen og den barokke kyrkja. Dürnstein-borga er den mest kjende i Wachau-regionen takka vere Richard Løvehjarte. Den engelske kongen sat fengsla her frå 1192 til 1193. I 1645, under Tredveårskrigen, vart borga sprengd av den svenske hæren.

    Vi returnerer om bord på ettermiddagen før vi cruisar vidare til Wien. Om ettermiddagen får vi det første språksjovet med Linda og Sjur.

    Når vi kjem fram til Wien, er det mogeleg å bli med på ei valfri utflukt (mot tillegg): Rundtur i Wien på kveldstid.
    (F, L, M)

  • Dag 3: Måndag 21. august - Wien

    Noko av det fine med elvecruise, er at ein kjem inn i sentrum av storbyane utan å stå i kø i timesvis i trafikken. Wien har alt ein kan ønske seg av ein europeisk storby med storslegne slott, praktfulle bygningar, konsertar, galleri og museum. Den sjarmerande bykjerne står på UNESCO si verdsarvliste, og heilt frå omkring 1800 har Wien vore den leiande musikkbyen i verda med berømte komponistar og utøvande kunstnarar.

    Vi startar dagen med frukost i elvebåten før det er god tid til å utforske byen. Det vil også vere mogleg å melde seg på ei utflukt rundt i Wien og til Schönbrunn-palasset (mot tillegg i prisen). Schönbrunn er eit av dei mest imponerande barokkslotta i Europa og er den største attraksjonen i Wien og i heile Austerrike. Slottet vart bygt på slutten av 1600-talet som sommarresidens for keisarane i Habsburg-imperiet. Tilbake på båten for lunsj.

    Vi nyt ettermiddag i denne fantastisk flotte byen i vårt eige tempo, og spesielt anbefalt er ein tur på dei ærverdige, historiske kaféane i sentrum. Kafélivet i Wien har lang tradisjon. Frå 1890-åra og utover byrja ei gruppe unge forfattarar, såkalla «Jung Wien» å møtast på kafé, der dei diskuterte litteratur, kunst og politikk. I dag er kafélivet framleis ein viktig del av livet i Wien. Til kaffien bør ein bestille Sachertorte. Dei mest kjende kaféane hevdar alle at dei har den beste oppskrifta, og den berømte kaka er ein så viktig del av Wien-kulturen at ho har fått plass på UNESCO si verdsarvliste. Vi vender tilbake til skipet og seglar vidare til Budapest og passerer Bratislava på vegen.

    Etter middagen er det klart for ny kveld med Linda og Sjur. Vi gler oss!
    (F, L, M)

  • Dag 4: Tysdag 22. juni - Esztergom og Budapest

    Denne morgonen stoppar vi først i byen Esztergom, og her får vi litt tid til å utforske byen på eiga hand. Esztergom var hovudstaden i Ungarn frå starten av 1000-talet til utpå 1200-talet. Byen har i dag i underkant av 30 000 innbyggjarar og ligg fint til på breidda av Donau. Katedralen er faktisk den tredje største i Europa og byen er erkebispesete i Ungarn, så her er det vakker kyrkjekunst å sjå, blant anna ei samling freskomaleri frå 1100- til 1300-talet. Vi kan også anbefale Donau-museet, som har mykje informasjon om elva, og fleire interaktive modellar som viser vassførsel og mykje anna.

    Slovakia ligg rett over elva, så viss ein har tid, kan ein også ta seg ein liten tur over til eit nytt land.

    Rett etter lunsj startar vi seglinga mot Budapest, og på vegen passerer båten gjennom Gabcíkovo-slusene, som er nokre av dei største på heile elva. Vi vil også krysse Dunajské luhy verneområde, eit stort areal med våtmarker, flaumområde og vatn som inneheld sjeldne plantar og dyr.

    Framme i Budapest om kvelden. Byen ligg nydeleg til langs breidda av Donau og er ein av dei vakraste byane i Europa. Det blir tid til ein kveldstur i den ungarske hovudstaden for dei som ønsker det.
    (F, L, M)

  • Dag 5: Onsdag 23. juni - Budapest

    Etter ein lang og god frukost kan ein nytte tida i Budapest på eiga hand eller bli med på ekskursjonar arrangerte av cruiseselskapet. Meir informasjon om dette kjem seinare.

    Vi anbefaler å besøke begge dei to bydelane - vakre Buda og livlege Pest. Storbyen har eit mangfald av arkitektur som inkluderer barokk, gotisk, sovjetisk og moderne stil, side om side. Dersom ein tek seg opp til høgda over byen, får ein eit fint utsyn over Donau-elva og dei ruvande bygningane som den fantastisk flotte Parlamentsbygningen.

    Denne kvelden er det gallamiddagen vår på skipet, og vi får servert ein utmerka 4-rettars meny frå kjøkkenet. Etter middag er vi klare for den siste kvelden med Linda og Sjur. Vi kan kanskje forvente oss språkmoro og musikk inspirert av det ungarske og aust-europeiske denne kvelden i Budapest.
    (F, L, M)

     

  • Dag 6: Torsdag 24. juni – Budapest og heimreise

    Vi nyt ein siste buffetfrukost om bord før avstiging. Buss til flyplassen (for dei som har bestilt turen inkludert flyreise) og fly tilbake til Norge.
    (F)

AvreisedatoAvreisestadHotellLedige plassarFrå pris
19/6BergenMS FranceMeir enn 834 990,-BestillMer informasjon
Les meir om MS France»
19/6OsloMS FranceMeir enn 833 550,-BestillMer informasjon
Les meir om MS France»
19/6OsloMS FranceMeir enn 833 550,-BestillMer informasjon
Les meir om MS France»
19/6StavangerMS FranceMeir enn 834 990,-BestillMer informasjon
Les meir om MS France»
19/6TrondheimMS FranceMeir enn 834 990,-BestillMer informasjon
Les meir om MS France»
19/6Elvebåten MS FranceMS France
Utan flyreise
Meir enn 829 990,-BestillMer informasjon
Les meir om MS France»
Reisekalender
6/6Vandretur på ShetlandFrå 25 950,-
10/6Beatles-tur til Liverpool med Bård OseFrå 21 950,-
10/6Beatles-tur til Liverpool med Bård OseFrå 19 950,-
10/6Beatles-tur til Liverpool med Bård OseFrå 17 350,-
13/6Strikketur til ShetlandFrå 27 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize