Skip to main content
Heim » Turar 2026 » Kulturreise til Georgia med Erika Fatland

Kulturreise til Georgia med Erika Fatland

3. - 11. september 2026.

Bli med til eitt av verdas vakraste land med frodige dalar, imponerande fjell, karakteristiske steppelandskap og nokre av dei eldste vinmarkene i verda. I Georgia finn vi spor etter store imperium, revolusjonar og krigar, men også gamle kulturar med sterke tradisjonar, gjestfridom og verdas eldste vinproduksjon. Plasseringa på Silkevegen mellom aust og vest har gjort Georgia til ein smeltedigel kulturelt sett og eit ynda erobringsmål for stormaktene.

Vi besøker pittoreske landsbyar, Kaukasus-fjella og den historiske hovudstaden Tbilisi, der både Hamsun og Nansen har late etter seg spor.

Erika Fatland er med oss på reisa som fagguide. Ho er forfattar av kritikarroste bøker som Sjøfararen, Sovjetistan, Grensen og Høyt, der ho tek lesarane med til nokre av verdas mest utilgjengelege områder. Med ein kombinasjon av personlege møter og historisk innsikt har ho skildra livet i dei tidlegare sovjetrepublikkane.

Gjennom fem foredrag vil Erika gi oss innsikt i historia til Georgia, men også ei djupare forståing av Russland, dei tidlegare sovjetrepublikkane og Russlands naboland. Vi løfter blikket og lærer meir om korleis historia, stormaktspolitikken og arven frå Sovjetunionen framleis pregar denne regionen, og kva det betyr for verda i dag.

 

 

[ Lukk ]
Søk

Bildegalleri

Viktig informasjon

Informasjon om helsekrav

  • Dersom du har rørslehemmingar, avklar med oss om denne turen er egna for deg.

 

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Torsdag 3. september - Velkommen til Tbilisi

    Avreise frå Bergen tidleg ettermiddag, og frå Oslo om ettermiddagen. Den røynde reiseleiaren Bjørn Sørheim frå Fotefar møter dykk på flyplassen og passar på at alle kjem seg smidig gjennom innsjekkinga. Med mellomlanding er vi framme i hovudstaden Tbilisi seint om kvelden, og bussen vår tek oss rett til hotellet. Det har 4 stjerner og held til midt i hjarta av den gamle byen, som er det naturlege midtpunktet. Her får vi oppleve autentisk georgisk sjarm med moderne omgjevnader.

  • Dag 2: Fredag 4. september – Gamlebyen, Tiblisis kulturelle smeltedigel

    Etter ein sein og god frukost samlar vi oss for velkomst- og informasjonsmøte. Her blir vi kjende med reiseleiarar og guidar, og får ein introduksjon til vekas program og dei spennande opplevingane som ventar oss. 

    Svend Waage tek oss med til lunsjstaden vår, og deretter venter ein vandretur gjennom gamle Tbilisi. Vi får ei autentisk kjensle av byen og blir kjende med nokre av dei mest sentrale attraksjonane, inkludert Sioni-kyrkja, Sulfur-bada og Narikala-borga.

    Etter vandringsturen blir det nokre timar på eiga hand før vi gjer oss klare for velkomstmiddag på ein restaurant som serverer tradisjonell georgisk mat. Det blir det første møtet vårt med det varierte og smakfulle georgiske kjøkkenet og den særeigne og spennande vinen deira. Vi blir meir kjende med kvarandre, og gjennom reiseleiaren/guidane våre blir vi introduserte til georgiske mat- og vintradisjonar.

    (F, L, M)

  • Dag 3: Laurdag 5. september – Historie og kultur – vandring i moderne Tblisi

    Vi startar dagen med eit spennande foredrag av Erika Fatland, Revolusjoner og utbryterrepublikker. Vi får høyre om Georgia, Armenia og Aserbajdsjan frå Sovjetunionens samanbrot og fram til i dag, korleis Sovjetunionens fall ikkje var så fredeleg som mange trur, og korleis denne regionen blei prega av krigar, utbrytarrepublikkar og dramatiske samfunnsendringar.

    Deretter ruslar vi langs den staselege hovudgata Rustaveli-avenyen, med symboltunge bygg og monument knytte både til Georgia sin første demokratiske periode for meir enn 100 år sidan og til Sovjettida. Etter kvart svingar vi ned til det som på Hamsun si tid var Hotel London, der forfattaren budde når han var i Tbilisi. Berre eit steinkast unna finn vi staden der den norske pianisten og forfattaren, «femme fatal» Dagny Juel, vart skoten og drepen av den polske venen sin. 

    På denne rusleturen får vi høyre meir om kvifor det er slik, og kvifor kjende nordmenn som Hamsun, Nansen, Dagny Juel og Hans Vogt hadde så nære forhold til akkurat Georgia.

    Etterpå besøker vi Museum of Georgia. Museet har blant anna utstillingar med unike samlingar med georgiske kunst- og kulturgjenstandar, og ei avdeling som viser tida under Sovjet-regimet frå 1921. Etter museumsbesøket samlar reiseleiarane dei som har lyst til å ete lunsj i lag.

    Resten av dagen er til eigen disposisjon. Om kvelden møtest vi på hotellet før avreise til felles middag.

    (F, M)

  • Dag 4: Søndag 6. september – Frå romersk arkitektur og tradisjon til dei spektakulære Kaukasusfjellene.

    Etter ein god frukost samlast vi til dagens foredrag med Erika Fatland, Ukraina. Dette er eit innsiktsfullt foredrag om Europas nest største land og den største krigen i Europa sidan andre verdskrigen. Erika fortel om Ukrainas rike historie, forholdet til Russland og om sine eigne reiser i landet, både i fredstid og under krigen. Deretter vert det avreise mot Kaukasus-fjella og den vesle byen Stepantsminda ved foten av Kazbegi. På vegen dit stoppar vi først ved Dzalisi, kjend for sine vakre romerske mosaikkar og historiske bad. Staden gir eit unikt innblikk i regionen sin rike kulturarv og gamle handelsruter.

    Etter lunsj set vi kursen mot Stepantsminda og fjellet Kazbegi (Det tredje høgste fjellet i Georgia, 5047 moh). Etter kvart kjem vi inn i dei majestetiske Kaukasus-fjella. Vi nyt den storslegne naturen og stoppar blant anna ved eit spektakulært utsiktspunkt for å oppleve den utrulege utsikta. På vegen vil Sergi fortelje om naturen og geologien i fjella vi møter. Han vil blant anna ta utgangspunkt i teorien om tektoniske plateforskyvingar for å forklare korleis Kaukasus-fjellkjeda bokstaveleg talt har vakse fram, og vise kvifor nettopp desse fjella er eit ynda reisemål for geologar.

    Om ettermiddagen når vi fram til den vesle byen Stepantsminda. Etter innsjekking på hotellet har vi god tid til avslapping etter ei lang reise. Her kan vi nyte den fantastiske utsikta frå terrassen på hotellet. Vi bur på det særeigne firestjerners designhotellet Rooms med ein enorm terrasse mot Kazbegi og Gergetis Sameba-kyrkja. Hotellet har også symjebasseng, sauna og eit godt treningsrom.

    (F, L)

  • Dag 5: Måndag 7. september – Kaukasus-fjella – vulkanske Kazbegi, vidunderleg natur og eldgammal folklore

    Vi vaknar til ei fantastisk utsikt mot Kaukasus-fjella frå hotellet. Etter frukost er vi klare for eit nytt foredrag med Erika, Putins Russland. Dette er eit nnsiktsfullt og personleg foredrag om det moderne Russland, med særleg fokus på gisseldramaet i Beslan, nær grensa til Georgia. Foredraget er basert på Erikas eigne opplevingar og hennar første sakprosabok Englebyen. 

    Denne dagen legg vi opp til ein tur i Kaukasus-fjella. Desse har forma lynnet til folket som bur her, og dei har opp gjennom historia klart å forsvare Georgia sine yttergrenser mot nord. Det blir felles avreise med transport opp til treeiningskyrkja Gergeti’s Sameba. Kyrkja ligg spektakulært til ved sida av Kazbegi-fjellet med panoramautsikt over heile Stepantsminda og nærområdet. Vi opplever den ikoniske treeiningskyrkja som ligg i utkanten av Stepantsminda. Deretter har vi piknik-lunsj ute i det fri med dei mektige Kaukasusfjella rundt oss. For dei som ønsker å gå ein tur, kan vi etter piknik-lunsjen organisere vandring tilbake til hotellet. Turen tilbake frå kyrkja er på ca. 4 km, med høgdeforskjell på ca. 450 meter og nokre bratte parti innimellom. Dersom ein er i alminneleg god form og ikkje har problem med kne eller balanse, er dette ein fin tur.

    Når vi kjem ned igjen til hotellet, har vi tid til avslapping før middag om kvelden. Her blir vi kjende med både lokale matrettar og lokale bordtradisjonar. Svend og songarvennene hans vil også introdusere oss for den særeigne folkesongtradisjonen frå denne regionen. Vi vil oppleve songen akkurat på den måten georgiarar har vore vande til gjennom hundrevis – ja, kanskje fleire tusen år, som ein naturleg og vesentleg del av festbordet. Svend vil også fortelje litt om den unike folkesongtradisjonen ein finn i Georgia. Det var trass alt den som fekk han til å reise til Georgia for første gong  i 1996.

    (F, L, M)

  • Dag 6: Tysdag 8. september – Tilbake til Tbilisi – og den historiske hovedstaden Mtskheta

    Vi startar dagen med nytt foredrag av Erika, Sovietistan. Eit djupt blikk på dei fem sentralasiatiske landa - Turkmenistan, Kasakhstan, Tadsjikistan, Kirgisistan og Usbekistan - som blei sjølvstendige etter Sovjetunionens fall.

    Seinare set vi kursen mot Tbilisi. På vegen tilbake, stoppar vi i den historiske hovudstaden Mtskheta, der vi har lunsj. Deretter ser vi blant anna Svetitskhoveli-kyrkja som står på Unesco si verdsarvliste. Hit kom St. Nino og kristna Georgia på 300-talet. Vi får oppleve den viktige rolla som kyrkja spelar i livet til dei fleste georgiarar, og korleis rituala og relikviane er relevante i kvardagslivet. Deretter vandrar vi i den gamle bydelen som utgjer det vesle sentrumet og opplever tradisjon, lokal koloritt og småbutikkar.

    Vi sjekkar inn att på hotellet vårt i Tbilisi på ettermiddagen. Resten av dagen har vi til fri disposisjon for avslapping eller for å oppleve nye stader og stemningar i Tbilisi. Dei som vil, kan vere med reiseleiarane til ein koseleg restaurant om kvelden.

    (F, L)

  • Dag 7: Onsdag 9. september – den eldgamle vinen – og bordtradisjon i vinregionen Kakheti og kulturbyen Sighnaghi

    Etter frukost tek bussen oss til vinregionen Kakheti som åleine står for nesten 70% av Georgia sin vinproduksjon. Dagen står i kulturen og tradisjonens teikn, med georgisk festbordtradisjon kalla Supra, og ikkje minst skal vi oppleve den eldgamle georgiske vinkulturen. Georgia har produsert vin kontinuerleg i 8000 år og har ein heilt særeigen tradisjon for produksjon og lagring av vin.

    Første stopp er Bodbe-klosteret, som ligg i utkanten av Sighnaghi. Dette er eitt av dei mest velhaldne og tradisjonsrike klostra i Georgia. Staden har òg ei rik historie som både akademi og kroningsstad for kongane i Kakheti. Her er St. Nino, som kristna Georgia på 300-talet, gravlagd og ein kan sjå grava til hans, som ligg inne i kyrkja.  Dette er ein av dei mest heilage stadene for georgiarane.

    Deretter køyrer vi til landsbyen Tibaani på Alazanisletten i Kakheti. Her besøker vi Pheasant's Tears vinranker og produksjonsstad der John og Gela produserer sin vin med

    desse eldgamle metodane der ein nyttar qvevier (store leirkrukker) som blir gravne ned i

    bakken. Det blir omvising der vi lærer om prinsippa og produksjonsmåten for denne

    tradisjonelle vinen. Her kan vi også nyte utsikta over Alazani-sletta og Kaukasus-fjella som

    reiser seg på motsett side.

    Deretter dreg vi til den vesle maleriske byen Sighnaghi der vi kan rusle rundt i den idylliske byen og oppleve den lokale atmosfæren. Reiseleiarane/guidane er sjølvsagt tilgjengelege for omvising og ein felles vandring for dei som måtte ønske det. Sighnaghi er eit kultursenter i regionen med fantastisk utsikt over slettelandskapet i Kakheti og Kaukasus-fjella. Georgia har opp gjennom historia vorte invadert av stormakter mange gonger. Dette området var alltid det første forsvarspunktet, særleg mot persarane. Så i Sighnaghi var det mange som ikkje betalte skatt i klingande mynt i tidlegare tider, men gjennom innsatsen sin på slagmarka. Området var kjent som handelssenter for georgiarar, så vel som for handelsfolk som kom over fjella frå Dagestan.

    Så blir det vinsmaking av ulike vinar saman med ekte georgisk festbord supra, med alt det inneber av kalde og varme rettar, vinar, skåltradisjonar og talar. Etter denne fantastiske festkvelden tek bussen oss mette og fornøgde tilbake til hotellet i Tbilisi.

    (F, L, M)

  • Dag 8: Torsdag 10. september – Gondolbanen, Mor Georgia og fritid

    Etter frukost samlast vi til siste foredrag med Erika Fatland, Fra Pyongyang til Kirkenes. Av Russlands fjorten naboland er Noreg det einaste som ikkje har vore i krig med eller blitt okkupert av Russland. Erika Fatland tek oss med på ei reise langs grensene til stormakta i aust.

    Etterpå går dei som vil ned til gondolbanen som vi tar opp til Narikalaborga på toppen av åsen bak gamlebyen, med utsikt over Tbilisi. Derifrå vandrar vi langs åskammen forbi statuen av Mor Georgia og ned igjen til byen. Dei som måtte ønske det, kan heller ta gondolbanen ned.

    Resten av dagen til fri disposisjon og  ein siste sjanse til å oppleve endå meir av Tbilisi sitt mangfald, eller kanskje ta ei siste shoppingrunde. Reiseleiarar og guidar er som vanleg tilgjengelege for hjelp og råd for dei som måtte trenge det.

    Om ettermiddagen gjer vi oss klare for avslutningsmiddag. Vi blir servert ein meny både med nye rettar og høgdepunkta frå dei ulike rettane vi har smakt på under turen vår.  Etter middagen returnerer vi til hotellet, der vi får tid til å slappe av før bussen køyrer oss til flyplassen rett før midnatt.

    (F, M)

  • Dag 9: Fredag 11. september - Heimreise

    Med mellomlanding er vi tilbake på Gardermoen tidlig på formiddagen. For reisande til Bergen vert det fly vidare dit.

AvreisedatoAvreisestadHotellLedige plassarFrå pris
3/9BergenGeorgiaMeir enn 839 450,-BestillMer informasjon
Les meir om Georgia»
3/9OsloGeorgiaMeir enn 837 450,-BestillMer informasjon
Les meir om Georgia»
Reisekalender
16/10Vandretur på KretaFrå 23 950,-
16/10Vandretur på KretaFrå 19 950,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize