Skip to main content
Heim » Turar 2026 » Sommarreise til Færøyane med Kirsti MacDonald Jareg

Sommarreise til Færøyane med Kirsti MacDonald Jareg

5. - 9. august 2026.

Bli med på ei unik reise til Færøyane – eit øyrike med fantastisk  natur, levande kultur og sterke historiske band til Norge. Den storslegne naturen her er eii av årsakene til at National Geograptic tidlegare har kåra Færøyane til det beste reisemålet av alle øyar i verda.

Med oss har vi forfattar og fagperson Kirsti MacDonald Jareg, som har skrive boka Hav på alle kantar, ei reiseskildring frå øyane i vest. Gjennom samtalar og foredrag deler ho kunnskap om og innsikt i  livet på øyane, i møte med havet, historia og menneska som bur der.

Turen byr på lokal mat, kulturmøte, historiske stader og refleksjonar som gir djupare forståing av øysamfunnet – alt i eit roleg tempo.

[ Lukk ]
Søk

Viktig informasjon

Dersom du har rørslehemmingar, avklar med oss om denne turen er egna for deg.

Dagsprogram

  • Atterhald om endringar

    Teiknforklaring for måltid inkludert i prisen:
    (F) Frukost
    (L) Lunsj
    (M) Middag

  • Dag 1: Onsdag 5. august - Framme på Færøyane

    Avreise med direktefly frå Oslo til Færøyane på formiddagen. Frå Vágar lufthamn blir vi frakta direkte til vår første utflukt til kongsgarden Kirkjubøur. Undervegs gir Kirsti oss den første innføringa i færøysk historie og samfunnsliv. Kirkjubøur blir rekna som det kulturelle og åndelege sentrum på Færøyane. Her får vi lokal guiding og høve til å besøke den imponerande ruinen av Magnus-katedralen, Ólavskirkjan frå 1100-talet og den historiske Røykstovan – ein 900 år gammal bygning med tømmer frå Kaupanger i Sogn. Vi får høyre om historia til Patursson-familien som har budd her i 17 generasjonar. Vidare blir vi frakta med buss inn til Torshavn, hovudstaden på Færøyane. Der sjekkar vi inn på det moderne og komfortable Hotel Brandan.

    Lunsj er ikkje inkludert på reisa denne dagen, så det er viktig å tenke på å ete undervegs på reisa eller på Gardemoen før avreise.

    Middag på eige hand.

  • Dag 2: Torsdag 6. august - Eysturoy, med bygdene Toftir og Gøta

    Etter frukost set vi oss i bussen for ein tur over til naboøya i nord. Vi køyrer gjennom den ikoniske Eysturoyartunnilin, ein undersjøisk tunnel som bind saman øya Streymoy og Eysturoy. Tunnelen er over 11 kilometer lang og har eit unikt rundkøyringssystem under havet – det første i sitt slag i verda. Med lysinstallasjonar og kunst av den færøyske kunstnaren Tróndur Patursson eller "Tróndur í Gøtu"  som han også vert kalla, blir sjølve gjennomkøyringa ei oppleving i seg sjølv.

    Vi startar dagen med eit besøk på Navia, ein lokal garnbutikk og tekstilprodusent som tilbyr garn og ullprodukt frå færøyske sauer. Her får vi høve til å lære litt om tekstiltradisjonar og moderne produksjon på øyane. Det blir også høve til å handle både garn og ferdige produkt.

    Deretter går turen vidare til Gøta og den vakre Gøtu Kirkja, ei moderne kyrkje med glasutsmykkingar av den same Tróndur Patursson. Her får vi høyre om både kunstverket og kyrkja si rolle i lokalsamfunnet.

    Dagens høgdepunkt er besøket på Varmakeldugarðurin, ein aktiv gard i Norðragøta. Her får vi møte bonden og sjå dyra – færøyske sauer, kyr og kalvar og høyre om livet på garden og om færøysk landbruk. Vi får servert ein heimelaga lunsj basert på lokale råvarer. Som alltid på Færøyane justerer vi dagen litt etter vêret, og vi tek oss tid til å nyte det som byr seg undervegs.

    Tilbake i Torshavn vil det vere tid til å utforske byen på eiga hand. Spør gjerne reiseleiar om tips og råd.

    Middag på eiga hand eller saman med reiseleiar på Irish Pub (mogleg val, mot tillegg i prisen/betaling skjer direkte til Irish Pub). Torshavn er kjend for å ha mange ulike kaféar og restaurantar,  og spør gjerne resepsjonen eller reiseleiar om tips. Hotellet har også eigen restaurant.
    (F, L)

  • Dag 3: Fredag 7. august - Tórshavn

    Etter frukost legg vi opp til ei vandring saman med Kirsti Jareg frå hotellet og ned til Tinganes, det historiske sentrum i Tórshavn. Her har det vorte halde ting heilt sidan vikingtida, og det er her den færøyske regjeringa har sitt sete i dag. Området ligg vakkert til på eit nes mellom to hamner og er prega av smale gater og raudmåla trebygningar. Ein spasertur gjennom Tinganes er som ei reise tilbake i tid.

    Elles har Torshavn fleire små nisjebutikkar i sentrum som sel lokale varar, som ullprodukt, kunsthandverk og lokal design. Så kanskje vil nokon ta seg tid til å handle litt?

    Nordens Hus er også verdt eit besøk. Dette er eit kulturhus med fokus på nordisk musikk, kunst og litteratur. Sjølve huset er ein attraksjon i seg sjølv, då det er designa med både norsk granitt, finske møblar og svensk treverk, for å nemne noko. Det er også ein koseleg kafé her. I nærleiken ligg også Listasavn Færøya, nasjonalgalleriet, med ei spannande samling færøysk kunst, som skildrar naturen og historia til øya. Lunsj på eiga hand.

    På ettermiddagen samlast vi til foredrag med Kirsti Jareg, der ho skildrar reiser, menneske og øysamfunnet – med utgangspunkt i boka Hav på alle kantar. I foredraget tek Jareg oss med til nordatlantiske øyar, og viser korleis naturen og havet har forma livet på Færøyene og andre øyar i vest. Kva gjer slike samfunn så særprega og interessante? Dette vil vi få svar på!

    Som eit alternativ til middag i Torshavn, kan ein denne kvelden oppleve noko heilt spesielt, Heimablídni «eit måltid heime hos» (mogleg val mot tillegg i prisen). Det færøyske uttrykket «heimablídni» tyder direkte heimleg gjestfridom, og her skal vi få oppleve nettopp dette, eit autentiske måltid heime hos lokale personar. Vi skal få nyte eit tradisjonelt heimelaga færøysk måltid på tre timar hos Anna og Óli i huset deira i Velbastaður. Dette er ein unik sjanse til å bli kjend med både maten og menneska på Færøyane. Pris kr 3480,- pr. person. Turen inkluderer transport og 4 rettars måltid inkludert drikke. Minimum 4 personar.
    (F)

  • Dag 4: Laurdag 8. august - Tórshavn på eiga hand, Europas minste hovudstad

    Denne dagen utforskar vi Tórshavn, på eiga hand eller ein kan bli med på ei utflukt til Gásadalur, Bøur og Kvívík. I Gásadalur finn vi den ikoniske fossen mange har sett på foto frå Færøyane. Og om vêret tillèt det, får vi også sjå Tindholmen, som ligg vakkert til ute i havet. På vegen vidare køyrer vi innom bygda Bøur og så til Kvívík, der vi stoppar ved dei arkeologiske utgravingane av to langhus frå vikingtida. Dette er eitt av dei mest interessante historiske funna på Færøyane og gir eit konkret innblikk i korleis dei første busetjarane levde. Pris kr 1170,- pr. Person for utflukta. Minimum 10 personar for å gjennomføre denne.

    Som eit alternativ til lunsj denne dagen, kan ein få vere med på ein guida 3-timars “matvandring” i Torshavn (mogleg val mot tillegg i prisen). Her skal vi smake oss gjennom både salt og søtt. Dette er ein fin måte å få innblikk i færøysk matkultur og kvardagsliv i byen. Du får smake lokale rettar, høyre historia bak dei og kjenne på kulturen som formar maten på øyane. Pris kr 1880,- pr. person.

    Om ettermiddagen samlast vi til nytt foredrag med Kirsti Jareg, der ho går djupare inn i tema som tilhøyrsle, røter og det å leve med havet som nabo. Det blir ein samtale med rom for refleksjon, med høve til å stille spørsmål og dele eigne tankar.

    Om kvelden samlast vi til felles middag på hotellet, der vi kan dele inntrykk og opplevingar frå turen.
    (F, M)

  • Dag 5: Søndag 9. august - Heimreise

    Etter frukost pakkar vi saman og blir køyrde til flyplassen for heimreise. Vi tek med oss minner frå ei reise som har gitt både naturopplevingar og innsikt i eit unikt samfunn og kanskje nye perspektiv på livet på øyane i vest.
    (F)

Kart

AvreisedatoAvreisestadHotellLedige plassarFrå pris
5/8BergenFærøyaneMeir enn 823 950,-BestillMer informasjon
Les meir om Færøyane»
5/8OsloFærøyaneMeir enn 823 950,-BestillMer informasjon
Les meir om Færøyane»
Reisekalender
8/2Vandretur på Gran CanariaFrå 19 950,-
8/2Vandretur på Gran CanariaFrå 16 550,-
Kontakt oss
Telefon: 918 20 304
Våre telefontider er 09.00 til 12.00.
E-post: post@fotefartemareiser.no
Adresse:
Fotefar Temareiser AS
Sognefjordvegen 40
6863 Leikanger
Kontaktskjema
  • RGF Logo
Powered by Travelize