30. juni-05. juli 2026.
Velkommen med på ei uforgløymeleg reise til vakre Gardasjøen og operabyen Verona. Vi kan vente oss humor, drama og tragedie når kunsthistorikaren Tommy Sørbø tek oss med på kulturreise gjennom renessansen- og seinromantikkens Italia.
Under turen bur vi godt til i landsbyen Lazise, like ved Gardasjøen. Derifrå er det relativt kort avstand til dei spennande kulturbyane Sirmione, Mantova og Verona. Den kunstneriske og musikalske ramma for reisa er Operafestivalen i Arena di Verona. I løpet av opphaldet vil vi få med oss minst ei storslått framsyning; Verdis dramatiske og romantiske «Aida» (produksjon, Franco Zefirelli). Ein kan og melde seg på ei ekstra framsyning av Puccinis «La Bohéme», ei uforgløymeleg historie om vennskap og kjærleik (produksjon, Alfonso Signorini). Undervegs på bussturane og på rusleturar i idyllisk landskap, kan vi vente oss eit djupdykk inn i Italias fascinerande kulturhistorie.
